Home Feature Komunidade Iha Sidade Liberdade Imprensa Balibo Kontinua Halerik Ba Bee Moos

Komunidade Iha Sidade Liberdade Imprensa Balibo Kontinua Halerik Ba Bee Moos

370
0
Agusta Maia komunidade ne'ebe susar asesu bee moos. [Foto: Santina Lucia da Costa | 26.10.2020]

Reportazen Francisco JDA

Dalaruma bee ne’ebe ami kuru la to’o atu uja ba nesesidade hanesan fase ropa no seluk tan,  tanba kada semana ida be’e mai dala tolu no ami presiza hein malu atu kuru bee“. Agusta Maia

Bee mak moris, ema moris presiza bee, liu-liu bee moos, ema hotu iha direitu asesu no konsume bee moos, bainhira ema ida la asesu bee moos, signifika povu sedauk sai hosi mukit.

Balibo nudar sidade ba liberdade imprensa, ne’ebe sai istoria importante iha tinan 45 liu ba, ne’ebe military Indonesia konsege oho jornalista nain 5 hosi Australia, bainhira halo kobertura konaba violasaun direitus umanus ne’ebe akontese.

Saida mak akontese ba sidade liberdade imprensa ne’e, moris komunidade Balibo sei kontinua halerik ba bee moos, komunidade sira hanesan labarik no feto sira sempre lao distansia dook hodi ba kuru bee moos.

Neon Metin dadalia ho komunidade Agusta Maia relasiona ho susar ne’ebe sira hasoru, tanba sira labele asesu bee moos to’o ohin loron besik iha sira nia uma ou iha sira nia uma rasik.

Nia dehan asesu bee mos sei susar, tanba semana ida asesu bee mos dala tolu deit, maibe nesesidade barak liu, entaun loron tolu ne’e la to’o, ho nune’e sira tenke lao dook hodi ba kuru bee.

“Balibo ne’e desde uluk kedas nia araska  mak hanesan ne’e ona, atu dada tan bee mai iha Balibo ne’e, bee mak la iha deit, bee ne’e mai tuir oras, to’o tempu taka ne’e taka ona, too oras haat ka lima,  dalaruma bee ne’ebe ami kuru la to’o atu uja ba nesesidade hanesan fase ropa no seluk tan,  tanba kada semana ida be’e mai dala tolu no ami presiza hein malu atu kuru bee. Bainhira ami kuru uza hotu entaun ami presia hein fali bee moos hafoin bele kuru fali”, tenik Agusta Maia, iha Balibo Villa, 16/10

Situasaun ne’ebe komunidade hasoru to’o ohin loron, jornalista Neon Metin konfirma kedas ho Admistrador Posto Balibo, Rosario Gonsalves saida mak governu lokal halo ona, hodi responde ezijensia komunidade nian.

Ba Neon Metin nia dehan bee moos iha Balibo kontinua sai problema boot, tanba bailoron naruk halo debit bee ne’e tun.

“Esforsu ne’ebe mak ita halo mak halo reuniaun ho komunidade hotu forma Grupu Maneja Fasilidade (GMF) reduz torneira publiku balun, nune’e bele fornese bee mesmu ladún barak,  maibé pelumenus lori hatán ba nesesidade uma laran nian, ita halo mak semana ida pelumenus bee ne’e sai dala tolu, ba komunidade sira para bele hemu”, hateten Administrador Postu Balibo Rosario Gonsalve iha Balibo Vila.

GMF mak grupu ne’ebe atu hare konaba bee moos, liu-liu fo informasaun ba postu Admistrador Balibo katak oinsá komunidade sira utuliza bee moos no hare mos kona ba manutensaun bee moos.

Admistrador Posto Balibo deklara katak governu preparadu tebes ba sistema bee moos maibé tanba problema mak debit bee matan ne’e menus,  so suku Balibo mak problema bee tanba komunidade hela iha laletek no bee ne’e iha klean liu, entaun susar atu hetan bee moos ho diak.

Dadus ne’ebe neonmetin asesu katak  bee moos iha area urbanu ema asesu ona ho 80% no iha area rural ema asesu ona 71 %, maibé realidade hatudu katak komunidade Balibo Municipiu Bobonaru  to’o agora sira susar tebes atu asesu bee moos ho diak iha sira nia uma.

LEAVE A REPLY

Please enter your comment!
Please enter your name here