Home Notisia Laiha Distansia Fiziku no Sosial Iha Terenu, Dra. Odete: Presiza Iha Konsiensia...

Laiha Distansia Fiziku no Sosial Iha Terenu, Dra. Odete: Presiza Iha Konsiensia Tan Moras Ne’e Existe

388
0
Diretor Jerál Prestasaun Saude, Dra. Odete Viegas. [Foto: Francisco JDA | 06.03.2020]

Reportazen Francisco JDA

Relasiona ho Estadu Emergencia ba daruak nian, mosu preokupasaun tanba movimentu lao makaas, tuir objetivu estratejia hosi Centru Integradu Jestaun Krize [CIJK] hateten katak presiza haforsa liutan medidas prevensaun nian, maibe hare ba realidade movimentu kontinua lao makaas no distansia sosial no fiziku liu metru 1 mos la lao.

Relasiona ho situasaun ida ne’e Neon Metin halo konfirmasaun ba CIJK konaba distansia sosial no fiziku ne’ebe la aplika iha fatin publiku, ba Neon Metin Portavoz CIJK, Dra. Odete Viegas hateten iha realidade hare katak nafatin buat balun seidauk kumpri, kada ema iha responsabilidade ba nian an, atu asume katak moras ne’e iha tiha ona, nune’e ita bele fahe informasaun oin oin maibé ema la koopera ida ne’e mós problema.

“Fila ba komunidade em geral atu komprende moras ne’e existe ona, tenke iha konsensia ida katak ita rasik mak tenke hadook an hosi moras ne’e”, tenik Dra Odete iha CCD, 04/05

Dra. Odete mos apela ba komunidade tomak atu preven moras covid-19, atu labele konaba ita, nafatin aplika medidas preventivas iha komunidade nia hela fatin no iha fatin publiku.

“Ita hotu presiza fo liman ba malu, koopera, kontribui, kolaboa no liu-liu tenke iha konsiensia katak moras ne’e existe ona iha ita nia rain. Ita idak-idak tenke assume responsabilidade hodi hadook moras hosi ita nia rasik”, hateten Dra. Odete

Print Friendly, PDF & Email

LEAVE A REPLY

Please enter your comment!
Please enter your name here