Home Notisia Enkontru KSDS no Konsellu Estadu Unanimidade Desidi EE Ba Dahitu

Enkontru KSDS no Konsellu Estadu Unanimidade Desidi EE Ba Dahitu

451
0
KSDS no Konsellu Estadu enkontru ho Prezidente Republika. [Foto: Media PR | 26.10.2020]

Reportazen Santina Lucia da Costa

Prezidente Repúblika, Dr. Francisco Guterres Lú Olo halo enkontru ho Konsellu Estadu (KE) no Konsellu Superior Defeza no Seguransa (KSDS), hodi rona hanoin sira kona-ba pedidu husi governu kona-ba renovasaun Estadu Emerjénsia (EE) ba periódu loron 30 ba oin.

Ba jornalista sira Xefe Casa Militar Palasiu Prezidensial, Coronel Antonio Soares da Silva ‘Mau-Kalo’ informa katak husi rezultadu enkontru ne’e, Konsellu rua unanimidade deside pedidu husi governu, atu halo estensaun estadu emerjensia ba dahitu.

Coronel Antonio Soares da Silva ‘Mau-Kalo’ hateten Timor-Leste nu’udar nasaun ki’ik ho kondisaun infrastrutura ho rekursu ne’ebe sei menus, tanba ne’e aimoruk ne’ebe di’ak liu ba kombate Corona Virus mak prevensaun.

“Timor laiha médiku, laiha aimoruk kondisaun hotu-hotu atu kombate, tanba ne’e maka úniku aimoruk ne’ebé bele kombate moras ida ne’e maka prevensaun”, hateten Xefe Casa Militar  iha Palasiu Prezidensial Nicolau Lobato, 26/10.

Coronel Mau-Kalo dehan, orsida ka aban Prezidente Repúblika sei deside no haruka ba Parlamentu Nasionál hodi husu autorizasaun ba Parlamentu Nasionál, atu Xefe Estadu bele dekreta estadu emerjensia  ba dahitu.

Prezidente Repúblika uza nia poder konstitusionál artigu 85,  alínea g, konvoka membru sira seluk husi órgaun konsulta ho Konsellu  Superior Defeza no Seguransa no Konsellu Estadu atu rona ida-idak ninia hanoin kona-ba pedidu deklarasaun estadu emerjénsia husi governu.

Pedidu Governu ba estensaun estadu emerjénsia relasiona ho evolusaun preokupante ba situasaun epidemiolójika no proliferasaun kazu rejistadu ho COVID-19, iha nível rejional no iha nível mundial.

Entretantu Diretor Ezekutivu FONGTIL, Daniel Santos do Carmo hateten konvoka reuniaun Konsellu Superior Defeza no Seguransa ne’ebé sosiédade sivil hola parte iha ne’eba, hanesan observadór maibé sosiédade sivil ho oportunidade fó hanoin liga ho situasaun real ne’ebé akontese rai laran.

“Ohin ne’e husu aseitasaun husi Konsellu Defeza Seguransa ba pedidu estadu emerjensia ne’ebé aprejenta husi governu, entaun sosiédade sivil ami ba ho pozisaun ida katak, apoiu pedidu husi governu nian ba estensaun estadu emerjensia, tanba nia pedidu ba estadu emerjensia ne’e ita iha rigor desizaun, entaun ita hanoin katak só meius ida atu regula liberdade sirkulasaun internasionál, ne’e liu husi estadu emerjensia”, hateten Daniel Santos do Carmo.

Nia hatutn sosiédade sivil ninia prejensa haree katak nasaun viziñu sira hanesan Indonézia ne’ebé kazu sae, sira infrenta buat rua oinsá kurativu ba COVID-19 no responde ba problema ekonómiku, ne’ebé ita haree iha Bali ema faan sasan iha estrada ibun, faan kama, faan armari tanba osan laiha. Ita nian ne’e grasas Maromak nian, ita laiha tranzmisaun local ita lao livre.

Daniel dehan kestaun ohin saida maka sosiédade sivil foka iha ne’eba maka oinsá implementasaun, liu-liu ba tékniku sira, kontrolla kuarentena no fronteira, tenke rigorozu atu nune’e kombate COVID-19 ne’e labele iha tranzmisaun lokal.

Print Friendly, PDF & Email

LEAVE A REPLY

Please enter your comment!
Please enter your name here