Home EduTek Konferensia Konaba Imajina Fali Edukasaun, ICT no Inovasaun Iha TL

Konferensia Konaba Imajina Fali Edukasaun, ICT no Inovasaun Iha TL

183
0
MEJD ho Reprezentante UNICEF iha TL. [Foto: Francisco JDA | 27.10.2020]

Reportazen Francisco JDA

Ministeriu Edukasaun Juventude no Desportu (MEJD) serbisu hamutuk ho UNICEF realiza konferénsia ho tema Edukasaun: Information and Communication Technology (ICT) no Inovasaun Iha Timor-Leste.

Konferensia ne’e ho objetivu hare fila fali kona ba esperiénsia ne’ebe durante ne’e halao prosesu aprendizajen, iha faze ida ne’ebe eskola hotu taka, tanba estadu emergencia no COVID-19, katak prosesu ensinu iha online liu hosi televizaun no plataforma oin-oin.

Ministru Edukasaun Juventude no Desportu, Armindo Maia ba jornalista sira hatete, konferénsia ne’e atu hare fila fali esperiénsia sira ne’e no atu hare ba oin katak saida mak presiza hadia no dezenvolve hamutuk ho parseiro sira, atu edukasaun ne’ebe laos uja sistema tradisionál, iha poténsia boot liu hosi teknologia informasaun no komunikasaun, atu bele lori edukasaun ho kualidade ba timoran sira hotu, laos iha sidade maibe to’o iha area rural.

“Ita sei presiza halo servisu makaas tanba, ita hotu hatene ita nia kondisaun, oinsá buat sira ne’ebe hotu laos edukasaun deit, maibé tenki envolve parte hotu inklui fasilidade prosesu internet ne’ebe lalais liu, atu ema hotu bele hetan asesu ne’ebe mak baratu liu”, hatete MEJD Armindo Maia iha Merkadu Lama CCD, 26/10.

Ministru Armindo Maia dehan polítika mak nafatin apoiu no dezenvolve atividade hotu, maibé labele lao mesak, presiza apoio hosi parseiru sira, komunidade no inan aman tenki partisipa hotu. Ministériu mesak deit labele, tanba presiza osan no fasilidade konektividade laos iha Ministériu Edukasaun nia kompentesia, maibé iha ministériu seluk tanba karik akontese fibre obtika atu bele lais liu

Iha Fatin hanesan Representative UNICEF iha Timor-Leste, Valerie Taton iha diskursu hateten, ohin loron iha mundu digital avansadu, teknolojia nia lalaok muda ona ho lais no sistema eskolár lao la tuir mudansa ne’ebe iha, mantein labarik sira iha sala aula ho parede haat tur  iha sira nia meja kotuk, ba oras naruk la iha diferensia ho sala aula tradisionál sira, labarik sira nia imajinasaun kreatividade tuir deit saida mak hakerek iha livru.

“Mudansa ne’ebe la presiza lori tinan 10, ita hare ona iha Timor-Leste katak mudansa ne’ebe posivel, ita boot sai testamunha katak loron rua mai, posibilidade balun uja teknologia hodi muda hahalok hanorin no oinsá labarik sira aprende, ho ajuda tour virtual ida, bele halo moris sala aula istória instrumentu digital, bele ajuda labarik sira aprende servisu hamutuk, inspira inovasaun no ajuda labarik sira dezenvolve pensamentu kritiku”, hateten Representative Valerie Taton.

Iha konferénsia ne’e Neon Metin mos dadalia ho estudante hosi Eskola Colegio de Santo Inacio de Laiola Tejanica Crista, nia hateten katak, nasaun ne’ebe atu dezenvolvidu, teknologia importate tanba liu hosi teknologia bele fasilita buat barak tebes, liu-liu iha situasaun pandemia COVID-19.

“Ita presiza iha foinsae ne’ebe mak iha hanoin, iha konnesimentu klean kona ba teknologia rasik no rede internet importante durante asesu ba aprendizajen online, espera katak telekomunikasaun iha responsabilidade atu responsabiliza estabilidade rede internet nian iha area rural no urbanu”, hatete  Estudante Tejanic  a Crista.

LEAVE A REPLY

Please enter your comment!
Please enter your name here