Home Notisia Saudoso Lucas Rama Metan, Lider Dedikadu no Abnegadu

Saudoso Lucas Rama Metan, Lider Dedikadu no Abnegadu

405
0
Saudoso Lucas Rama Metan da Costa

Saudoso Lucas Rama Metan da Costa mate ho experiensia luta lubuk ida. Nia laos deit ema ida mak hola parte iha luta  maibe mos hola responsabilidade importante oioin. Konseptor no Fundador RENETIL ne’e sai nudar Delegadu Rejional FRETILIN hosi Distritu Manufahi 1974-1975. Saudoso mos mak subscritor ida hosi ema nain 40 ne’e deklara Insureisaun Geral Armada iha Aisirimou, Aileu, 15 Agustu 1975.

Bainhira Timor-Leste proklama nia ukun rasik an, iha 28 Novembru 1975, Lucas Rama Metan da Costa, sai nudar Diretur Kruz Vermelha da RDTL. Antes funu hahu Rama Metan mak Diretur ba Hospital Manufahi no durante funu Lucas Rama metan da Costa hola responsabilidade ba kestaun saúde, inklu produs aimoruk tradisionál sira hodi kura moras no mos kanek sira iha funu laran. Halo ida ne’e Rama Metan koalia ho ema oioin mak iha koinesementu kona ba medikamentu tradisionál, kria farmásia iha ailaran, hodi fo apoio ba forsa FALINTIL sira. Rama Metan mos mak ema ida ne’ebe involve iha eskola pulitika ne’ebe Sahe lidera. Nia hanorin joven sira kona ba saúde no medikamentu sira mak bele ajuda kura moras iha ailaran.

Bainhira lideres nasionais hasoru malu, iha Portugal, iha 1998, hodi koalia ba malu kona ba oinsá hakat ba oin. Sira hili Lucas Rama Metan da Costa sai nudar membru Komisaun Politika Nasional CNRT, no nia hetan eleitu iha Konvensaun Peniche, Portugal 1998. Iha servisu preparasaun no kampaña ba ukun rasik nian, Lucas Rama Metan da Costa sai nudar Responsavel ba Relasaun Inter-Regional da Comissao de Planeamento e Coordenacao da Campanhe do CNRT, iha 1999.

Lucas Rama Metan da Costa hetan tratamentu ida Hospital Guido Valadares, loron 9 liuba. Ohin dader, besik tuku 8.30, nia husik iis, no fila hikas ba aman Maromak nia kadunan santu.

Lideransa RENETIL sira kontinua halo esforsu koalia ho Komisaun Homenajen no sei koalia mos ho Presidente da Republika, atu Lucas Rama metan nia isin mate bele hakoi iha fatin própriu.

LEAVE A REPLY

Please enter your comment!
Please enter your name here