Reportajen: Filomena da Conceicao
Ai-leba Carlos Ximenes ne’ebe faan aifuan iha Serimonia Restaurasaun independensia ba dala 24 neebe realiza iha Tasi Tolu ne’e hato’o nia mesangem ba jornalista katak nuudar Ai-leba hakarak atu moris iha situasaun livre hodi hatutan nia moris lihusi faan aifuan no nunee, nia husu ba akipa jestaun merkadu sira hodi labele hadau beibeik sira nia sasan.
“Loron 20 de maio ida ne’e, ba ami ai-leba nee hau nia mesanjem importante mak husi ukun ida nee ami hakarak labele impede ami, no labele hadau ami nia sasan, tanba ami nia maluk ai-leba balun neebe lao iha dalan ninin, sira nia sasan balun hadau husi wali kota sira, ida nee beibeik ona, ami ai-leba sente triste tanba ami hasai rasik ami nia osan mak ba hola maibe sira hadau fali ami nia sasan”, dehan Carlos ba jornalista Iha seremonia Restaurasaun Independensia 20 de Maio Tasi3.
Nia hatutan, hanesan negosiante nia parte kontente tanba bele hetan rendimentu neebe diak banhira faan sasan iha loron importante sira hanesan nee.
“Husi ami hanesan aileba sira nee kontente tanba, bele hetan rendemintu diak, kada tinan kuandu ami hetan Avo Nana, ho Avo Ramos ami nia aifuan sira neebe sempre hotu, maske ohin loron la hotu maibe hau kontente nafatin tanba loron ohin hanesan mos loron eroi sira nian, ka loron istoriku Timor nian”, nia esplika
Iha loron importante ida nee, hanesan negosiante ami kontente nafatin maske ami nia aifuan nee atu hotu ka la hotu kontente ida nee la kesstaun mai ami maibe hau orguilhu tanba sai ona Timor oan.
Iha fatin hanesan negosiante Joao Nunes hato’o nia mesangem ba loron Restaurasaun independensia nee katak, nia kontente tebes tanba bele faan nia sasan iba loron importante nee hodi bele hetan ona rendimentu neebe diak.
“Hau kontente tanba faan Iha loron boot sira hanesan nee ema hola diak, kompara ho loron baibain, no hau nia mesangem mak hau hakarak husu ba governu atu hadia ami nia estrada tanba ami husi foho mak mai mai ami nia produtu Iha nee”, nia Hakotu.
