Reportajen David da Costa
Movimentu ilegál iha fronteira terrestre Timor-Leste ho Indonézia sei sai dezafiu boot ba seguransa nasionál. Tanba ne’e, Governu kontinua reforsa vijilánsia no kontrolu iha área fronteira, no konsege ona kaer ema kuaze atus ida ne’ebe tama rai-laran liu husi dalan ilegál, inklui membru arte marsiais balun, atu entrega ba Ministériu Públiku hodi prosesa tuir lei.
Ministeiru Interior (Mi) Francisco da Costa Guterres, hateten, Governu kontinua reforsa vijilánsia iha fronteira terrestre Timor-Leste ho Indonézia, tanba movimentu ilegál, liu-liu husi membru arte marsiais balun, sei akontese ultra pasa nafatin.
Maibé autoridade seguransa sira konsege ona kaer ema kuaze atus ida ne’ebe tama rai laran liu husi dalan ilegál, no kazu sira ne’e entrega ona ba Ministériu Públiku atu prosesa tuir lei.
“Ema sira ne’ebe liu fronteira ita kaer kuase atus ida resin, ne’ebe polisia liga ona ba Miniteru Publiku atu haree ida ne’e,” dehan Ministreiu Interior, Francisco da Costa Guterres ba jornalista sira iha Palásiu Governu, Kuarta 1/07.
Nia esplika maioria membru arte marsiais ne’ebe fila husi rai-li’ur hili tama liu husi dalan ilegál tanba lori atributu organizasaun nian, ne’ebe bele hetan revista karik tama liu husi pontu entrada ofisiál. Tanba ne’e, sira buka dalan seluk atu evita kontrolu fronteira.
“Ita nia arte marsiais kuandu sira sai ho legal, fila maka fila ilegál, tanba fila ne’e ho artibutu oioin. Entaun sira labrani liu husi ita nia pontu entrada ne’eba. Tanba sira hanoin tama iha ne’eba ita halo revista, entaun nia fila ilegál para hatama ninia atributu sira ne’e,”nia afirma.
Nia konsidera rezultadu kaer ema kuaze atus ida resin ne’e hanesan prova katak vijilánsia no kontrolu fronteira la’o di’ak. Tuir nia, se kontrolu la metin, ema sira ne’ebe tama ilegál bele tama liu hotu mai to’o tiha Timor posting foto iha Timor maka foin hatene de’it.
“Ita kuandu kaer ne’e kerdiser ita vizilante hela, ita kontrolu di’ak ne’e maka ita kaer to’o 100 ida ne’e, kontrolu di’ak. Se kuandu kontrolu la di’ak ne’e sira mai hotu tiha ona,” nia subliña.
Ministru Interior mós reconhece katak dezafiu boot iha fronteira mak komunidade sira iha sorin rua moris besik malu, balu fahe deit husi estrada, mota ki’ik ka lutu. Situasaun ne’e fasilita movimentu ilegál, inklui transporte animál no sasan seluk durante kalan.
“Dezafiu ne’ebe iha fornteira maka komunidade sira iha ne’eba ne’e ita hela besik malu, dala ruma ho lutu deit maka ita fahe malu, ho estrada maka fahe malu, ho indonesia mota oan maka ita fahe malu. Dezafiu boot ida maka ne’e dala ruma ita nia komunidade aproveita ida be kalan boot maka haksoit liu tiha, dala ruma aproveita lori karau ba, lori tiha ba sorin,”nia hateten.
Hodi responde ba dezafiu ne’e, Governu dadaun hala’o sosializasaun iha área fronteira no husu komunidade no lider lokál sira atu servisu hamutuk ho PNTL. Tanba apoiu husi komunidade importante tebes atu prevene no trava atividade ilegál sira iha fronteira.
PNTL Sei Hala’o Investigasaun Ba Kazu Oho Feto iha Suai, Autor Sei Lori Ba Justisa
Maibé relasiona ho kazu sidadaun feto ida ne’ebe hetan oho no so’e iha área Suai ne’ebe agora viral iha media sosial, Polísia Nasional Timor-Leste (PNTL) sei hala’o investigasaun atu buka tuir autor sira. Ema ne’ebe komete krime tenke lori ba justisa tanba asaun hanesan ne’e labele simu iha sosiedade demokrátika ida.
“Kona-ba ida oho ne’e halo hela investigasaun, ita buka tuir hela, autor ne’ebe maka komete ne’e ita tenke lori ba justisa. Tanba ita hakrak ka lakoi ida ne’e kestaun ida ne’ebe krime ona, pratika ida ne’ebe ita labele simu,”dehan Ministeiru Interior.
Tana ne’e, krime hanesan ne’e labele tolera. Ema hotu-hotu iha direitu atu moris ho seguru no dame, no sidadaun Timor-Leste tenke proteje malu atu hametin ambiente hakmatek.
