Reportajen Umbelina dos Reis
Provedór Direitus Umanus no Justisa (PDHJ), hamutuk ho Inpestor Jeral Estadu, Prezidente komisaun Funsaun Públika no Komisariu Komisaun Anti korupsaun, realiza konferensia imprensa konaba ” atualizasaun kalendariu komemorasaun loron nasionál funsaun publika” Objetivu atu fo hanoin ba funsionáriu publiku atu servisu professional liutan iha futuru.
Provedór Direitus Umanus no Justisa (PDHJ), Vigilio da Silva Guterres “Lamukan” hateten ohin sira realiza konferensia imprensa reprezentante husi instituisaun haat bazeia ba kooperasaun bilateral, komisaun funsaun publika no komisariu estadu komisaun anti korupsaun ne’ebe que ida-ne’e responsabiliza atu organiza komemorasaun loron nasionál funsaun publika nian. Hanesan ita hotu hatene katak tinan-tinan ita komemora iha loron 15 de Jullu ne’ebe monu iha loron aban.
“Relasiona ho pontus importante ba loron aban nian komemorasaun loron funsaun publika primeiru atu fo hatene ba entidade publiku katak liu-liu ba sira-ne’ebe halo servisu iha administrasaun públiku nian, hanesan loron bain-bain loron nasionál, halo ita atu komemora haksolok sira-ne’e atu halo reflesaun ba institusionál no pesoal funsionáriu sira. Ida-idak halo ba administrasaun publika hodi atende ba sidadaun sira tanba ne’e fo hatene ba publiku katak tinan ida-ne’e komemorasaun koletiva ba komemorasaun ne’e sei monu iha loron 25 Setembru 2026 iha Gleno.” Dehan Provedór Direitus Umanus no Justisa (PDHJ), Vigilio da Silva Guterres “Lamukan ” liuhosi nia konferensia imprensa, iha salaun Komisaun Funsaun Públika (KFP), Caicoli, tersa-feira.
Nia dehan, sira altera tanba sira halo preparasaun ba eventu lubuk ida mak sai hanesan razaun por ezemplu hanesan lutu nasionál ne’ebe que foin dadauk lider Doutór Fransisco Guterres Lu-Olo nia mate, durante semana ida ita labele organiza atividade desportivu ka atividade sira seluk, no razaun seluk tanba foun-foun ne’e sira atu halo iha loron 04 de Setembru maibe tinan ida-ne’e entidade barak sei envolve ba preparasaun simu urnas amu bispu sira ne’ebe que Dom Martinho no Dom Jaime ne’ebe que mai husi liur depois halo komunikasaun ba entidade sira-ne’ebe que husi fim de setembru too loron 10 de setembru ne’e ita sei konsentra simu urnas amo bispo sira nian. Tan ida-ne’e mak ami enkontru iha nivel haat, nune’e komisaun organizadora kontinua prepara ba eventu desportivu, konkorensia ba grupu sira sei lao nune’e ita hein katak tempu ne’ebe altera ita sei hamutuk iha gleno atu komemora loron funsaun publika nian. Maibe liuhosi konferensia imprensa ida-ne’e atu fo hanoin ba entidade hotu.
“Aban entidade hotu-hotu bele komemora loron funsaun publika tuir entidade ida-idak nia kapasidade no intensaun hanesan limpeza jeral, husu missa entaun ka vizita jarsin dos herois. Aban ne’e loron nasionál funsaun publika nian nune’e aproveita oportunidade ida-ne’e mensajen ba funsionáriu publiku hotu-hotu atu kontinua halao ita-nia servisu no halo reflesaun konaba ita-nia servisu ne’ebe. Loron aban mos fo reflesaun no konfrimisiu ba ita nia servisu professional no halo juramentu ne’ebe momentu ita simu pose hodi halao kaar nian.” Nia dehan.
Iha fatin hanesan, Komisariu Funsaun Públika (KFP), Jorge Paiva hateten, hanesan servidor estadu tenke iha hanoin katak iha liberdade iha mos responsabilidade.Nunee kabe ba dirijente ida-idak iha nia instituisaun halo kontrolu ba nia elementu sira ho masimu.
“Ami mos kada tinan halo avaliasaun dezepeñu, tanba ne’e nia husu ba dirijente sira halo avaliasaun labele halo ho fuan maibe tuir pestasaun servisu ne’ebe mak iha, nune’e mos iha mekanizmu haat neebe ami uza hodi haree ba sira nia klasifikasaun servisu nia hanesan muito bom, bom, sufisente no insufisente. Nunee ida ne’ebé mak merese hetan fo mak nia labele lori fali relasaun familia mak tama mai.” Nia dehan.
Nia informa, Iha Komisaun Funsaun Públika kada tinan hasae eskalaun ema ne’ebé mak hetan muito bom dala rua mak foin hasae nia eskalaun,no iha mudansa mos ba nia salariu.
