Reportazen Francisco JDA
Ministeriu Saude kontinua halo sosializasaun no desiminasaun konaba moras surtu Covid-19 iha baze. Liu hosi konferensia imprensa iha Centru Integradu Jestaun Krize [CIJK], Neon Metin halo konfirmasaun Ministeriu Saude nian sosializasuan no desiminasaun ba moras Covid-19 nia progresu to’o iha ne’ebe?
Ba Neon Metin Portavoz CIJK, Dra. Odete Viegas hatan katak Pilar 2 mak halo komunikasaun no sensibilizasaun no involvimentu hosi komunidade sira, hahu kedas hosi inisiu Ministeriu Saude hamutuk ho parseiru sira to’o agora tun ona ba municipiu hodi fahe informasaun.
Pilar 2 refere halao ona iha municipio Viqueqeu no RAEOA, iha tempu badak sei halao iha municipio Maliana, “fatin barak mak sira sei tenke desloka, hodi halo sensibilizasaun”.
