Reportazen Francisco JDA
Kazu insestu kontinua akontese, liu-liu iha area rural ne’ebe la asesu ba informasaun sira. Liu hosi plenaria iha Parlamentu Nasioanal, Deputada Bankada FRETILIN, Lidia Norberta informa katak iha kazu insestu akontese iha municipiu Ainaro, Postu Administrativu Maubisse.
Deputada Lidia hateten iha semana kotuk akontese insestu iha Maubisse, husu autoridade lokal, atu hare didiak autór ida ne’ebé mak halo insestu ba nia subrinha rasik ho idade tinan 5.
“Ita tenke follow up ba kazu ida ne’e , tanba ida ne’e aktu ida ke la di’ak iha ita nia rain. Husu ba autoridade atu tau mós matan ba vitima ida ne’ebé mak ho idade kiik tebes”, tenik Deputada Lidia Norberta iha Uma Fukun Parlamentu Nasionál.
Kazu insestu ne’e signifika katak abuzu sexual ne’ebé aman halo ba oan, tiu ka avo halo ba oan subrinha ka be-oan iha uma laran. To’o oras ne’e dadaun informasaun ne’e públika, seidauk iha konfirmasaun ruma ba iha parte kompetente no utoridade Lolkál hodi bele hatene Mmotivu kazu refere.
