Reportazen Santina Lucia da Costa
Relasiona ho renovasaun Estadu Emerjensia liuhusi enkontru Konsellu Estadu (KE) ho Konsellu Seguransa Defeza no Seguransa (KSDS) apoiu atu extedente tan Estadu Emerjensia ba dala lima.
Ba jornalista sira Xefe Casa Sivil, Francisco Maria de Vasconselhos informa katak Konsellu Superior Defeza no Seguransa (KSDS), Sira reuniaun diskuti hotu, sira rekomenda ba Prezidente Republika, atu hato’o pedidu governu nian ba Parlamentu Nasional, hodi diskuti depois aprova, haruka mai Prezidente Republika hodi dekreta.
Xefe Casa Sivil informa katak sei haruka ba Parlamentu Nasional iha tempu badak, enkamina rekomendasaun sira ne’e ba Parlamentu Nasiona.l
“Konsellu Estadu (KE) ho Konsellu Defeza no Seguransa (KSDS) apoiu atu extedente tan Estadu Emerjensia ba dala lima. Estadu Emerjensia agora hanesan mos foin dadaun ne’e, ba liu fronteira, Aeroportu ho Portu, para kontrola atu evita transmisaun ba iha sosiedade sira”, tenik, Xefe Casa Sivil iha palacio prezidensia, 01/09.
Membru sira ne’ebé halo parte Konsellu Estadu mak Prezidente Repúblika Francisco Guterres Lú Olo, Eis-Prezidente Repúblika Xanana Gusmão, Eis-Prezidente José Ramos-Horta, Eis-Prezidente Repúblika no atuál Primeiru-Ministru Jeneral Taur Matan Ruak, Prezidente Parlamentu Nasionál Aniceto Longuinhos Guterres Lopes. Halo parte mós Konsellu ne’e membru sira nomeadu husi Prezidente Repúblika: Óscar Lima, Alcino de Araújo Barris, Maria Dadi Soares Magno, Laura Soares Abrantes no Faustino da Costa. Husi Parlamentu Nasionál: Eduardo de Deus ‘Dusae’, Aurora Ximenes, José Cornélio Guterres, Árcangelo de Jesus Gouveia Leite no José dos Santos ‘Naimori Bucar’.
Entretantu, Membru sira ne’ebé halo parte Konsellu Superior Defeza no Seguransa mak Prezidente Repúblika Francisco Guterres Lú Olo, Primeiru-Ministru no Ministru Interiór Taur Matan Ruak, Ministra Negósius Estranjeirus no Kooperasaun Maria Adalzija Magno, Ministru Defeza Filomeno Paixão, Ministru Justisa Manuel Cárceres, Xefe Estadu Maior Jeneral F-FDTL Lere Anan Timur, Komisáriu PNTL Faustino da Costa no Diretór Jerál Servisu Nasionál Intelijénsia Manuel Serrano. Halo mós parte iha Konsellu ne’e, membru sira nomeadu husi Parlamentu Nasionál: Adérito Hugo da Costa, David Dias Ximenes, Abel Pires da Silva. Membru sira nomeadu husi Prezidente Repúblika mak: José Manuel Fernandes ‘Nakfilak’ no Cristina da Silva.
