Reportazen Francisco JDA
“Ha’u labele kaer ema ne’ebé la apoia ha’u, entaun ha’u ezonera sira no horseik mak ami halo tomada de posse, no hau tenki halo justifukasaun ba Komisaun Funsaun Públika no ezonera tuir nia dalan”, Ministra Saude
Hafoin Paralmentu Nasionál hala’o reuniaun extra ordinariu, hodi deskute kona ba extensaun ba Estadu Emergencia dalima nian.
Liu hosi plenaria Ministra Saude, Dra. Odete Belo aproveita hodi esplika katak durante fulan neen nian laran, Ministeriu Saúde rasik ezonera ema nain rua mak Diretora Aprovisionamentu ho Diretor Admistrasaun Finansas ho Logistika, tanba serbisu aprovisionamentu no logistika la lao
“Ha’u labele kaer ema ne’ebé la apoia ha’u, entaun ha’u ezonera sira no horseik mak ami halo tomada de posse, no hau tenki halo justifukasaun ba Komisaun Funsaun Públika no ezonera tuir nia dalan” hateten Ministra Saude iha Parlamentu Nasional, 03/09.
Ministra Saúde reforsa tan kona ba médiku nain sia, ne’e la iha ligasaun ho Ministeriu Saúde maibé sira nain sia iha III no IV Governu, sira iha eskola iha UNTL nian ne’ebé mak foti espesialista pedetria.
Ministra dehan bainhira nia toma pozisaun nudar Ministra Saude, iha diskusaun entre sira ho Guido Valadares, tanba sei la akomoda médiku espesialista nain sia hotu, maibé iha tempu hanesan ospital seluk mós presiza pediatria, nune’e mós enkuadramemtu Pediatria III no IV governu fo ema ba eskola, maibé la prepara enkuadramemtu entaun tenki infrenta situasaun nune’e bele resolve.
“Sira nain sia la’ós atu servisu iha Guido Valadares de’it, maibé sira bele mós servisu iha distritu seluk iha ospital regional seluk, entaun ida ne’e la’ós destakamentu maibé tanba sira nia estudu remata ona, ospital nasionál Guido Valadares entrega mai Ministeriu Saúde para halo koloka ba fatin seluk, inklui mós ospital nasionál Guido Valadares”, hateten Ministra Saúde.
