Home Notisia Koresaun – 25 mill Reklamante Seidauk Simu Sesta Bázika, LABEH: Governu Tenke...

Koresaun – 25 mill Reklamante Seidauk Simu Sesta Bázika, LABEH: Governu Tenke Responsabiliza

494
0
benefisiariu sira hili sira nia nesesidade iha sesta bazika. [Foto: Marcio Morato Pinto | 12.01.2021]

Reportaje Santina Lucia da Costa

Relasiona ho governu nia programa implementa sesta bázika, Diretór Lalenok Ba Ema Hotu (LABEH), Cristopher Hanry Samson husu governu responsabiliza ba reklamante 25 mill, ne’ebé mak seidauk hetan sesta bázika to’o agora.

Iha konferénsia imprensa Diretór LABEH, Christopher Hanry Samson informa, LABEH halo monitorizasaun kona-ba Sesta Bázika, Tuir LABEL programa ho ninia polítika ne’ebe diak tebes no louva ba inisiativa no la kontra, maibe Christopher dehan LABEL kontra totalmente ninia implementasaun.

“Sesta bazika ne’e programa governu,   governu mak tenki sai na’in ba sesta bazika, tanba la’os haree uma ka’in, la haree riku ka kiak, sesta bazika haree ba ema, inklui labarik ne’ebé foin moris”, dehan Diretor LABEH, iha konferensia imprensa, 25/08.

Cristopher dehan saida mak akontese iha implementasaun, governu hanesan fase liman entrega tiha sesta bázika ba kompañia sira mak halo buat hotu no fahe rasik sasán, no sidadaun balun simu no balun la simu.

“Monitorizasaun ami halo iha Ermera, rai ida ne’ebé nakonu ho kafé no sesta bázika lori tan kafé ba sira, iha Ainaru modo oioin, sesta bázika lori tan modo ba sira, ita iha situasaun ne’ebé difisil tanba sá maka governu tenke entrega de’it ba emprezáriu sira, depois governu la tuir para hatene,” hateten Diretór LABEH, iha Kampung Baru, Comoro, 25/8.

LABEH bolu atensaun nafatin ba governu atu responsabiliza ba reklamante sira, ema sira ne’ebé reklama sira nia direitu ba sesta bázika, ne’ebé to’o agora seidauk hetan, labele halo diskriminasaun ba povu ida ne’e, balun simu no balun la simu, balun reklama ema la liga.

 “Husu nafatin ba governu atu responsabiliza ba sira ne’ebé seidauk hetan sira nia direitu tuir sesta bazika, tanba sesta bázika la haree ema riku ka kiak, la haree ba uma kain, sesta bázika tenke husi Prezidente Repúblika to’o labarik foin moris, maibé realidade barak mak la simu,” informa Diretór LABEH.

Print Friendly, PDF & Email

LEAVE A REPLY

Please enter your comment!
Please enter your name here