Reportajen Fransisco JDA
Asosiasaun Tane Konsumidor (ATK) halao lansamentu simbolikamente ba Sosio nain 6 ho objetivu atu apoio tane nia servisu ba defende konsumidores. Lidia Norberta Martins, Lurdes Bessa, Mimi Chunge, Marcelino Magno no Ricardo Atunes mak sosio nain dahuluk ba Asosiasaun ne’e. Dadaun ne’e nakloke ba ema hotu atu sai sosio iha Asosiasaun Tane Konsumidores. Fo Sosio signifika ema ne’ebe apoio organizasaun ho individualmente.
Tuir Presidente Asosiasaun Tane Konsumidor, Antonio Ramos da Silva, ba Jornalista sira hateten, organizasaun ida atu forte presija iha ninia sosios. Presija kontribuisaun hosi sosios hodi atendie resolve kazu sira, se iha peskiza ruma no produtu iha merkadu publika iha website mak ema ne’ebe sosio sira mak atu asesu.
“Organizasaun iha mundu ne’e forte ne’e tanba, sira nia sosios no performes servisu ba direituis konsumidores no produtu ne’ebe sira halo. Nune’e ATK nia odamatan nakloke ba sesé deit sai sosios ba organizasaun ne’ebe defende ba konsumidores sira. Tan ita hatene katak konflitu de konsumu ne’e sempre iha”, Hateten Presidente ATK Antonio Ramos da Silva iha nia Knar fatin, Vila Verde, 07/10.
Antonio Ramos da Silva mos dehan, kona ba keixa ne’ebe Asosiasaun Tane Konsumidor simu bainhira servisu hamutuk ho Universidade Nasional Timor Lorosa’e (UNTL) iha fulan setembru ne’ebe registu boot liu ba keixa loron ida simu 18 keixa atu resolve.
Iha Fatin hanesan, Menbru Sosio ba Asosiasaun Tane Konsumidor Marcelino Magno iha intervensaun hateten katak, hakarak apoia asosiasaun Tane Konsumidor tanba asosiasaun ne’e importante tebes ba Timor. Quando iha problema hakilar deit mais labele halo buat ida, tanba forsa natoon liu, entaun Tane nia prezensa atu resolve problema liuliu ba konsumidór nian.
“Bainhira sira hatoo keixa sira ne’e, hosi Tane ba kedan halo peskiza no halo advokasia. Ne’e signifika katak estudante sira iha ona maluk maibé sira seidauk sosio. Tanba importánsia Tane nian, hau lori ba iha kampus. Nudár Timoroan, orgulho tebes ho organizasaun ne’e mesmu foin hahú ita hare sira nia espasu sira ne’e komesa hatudu ona”, Hateten Sosio Tane Konsumidor Marcelino Magno.
Tinan rua ona Asosiasaun Tane konsumidór atende sosiedade sira ba keixa no fahe informasaun ba sosiedade. Asosiasaun ne’e mosu atu defende konsumidór sira nia direitu no devér ne’ebe hakerek ona iha Lei Inan.
