Repotazen David da Costa Gusmao*
Relasiona ho kazu abuzu sexual iha Topu Honis, ne’ebe kondena eiz Padre ho inisial “RD” sai arguidu, tuir lolos ohin loron 22 Fevereiru iha Tribunál Distritál Oe-cussi ne’ebe prezide husi juiz nain tolu deside adia ba aban oras tuku 9:00 otl.
Tuir observasaun jornalista Neon Metin iha tereinu líder nasionál Kay Rala Xanana Gusmão, ohin dader oras tuku 8:20 otl marka ona prezensa iha Tribunál Rejiaun Autonomu Espesial Oe-usse Ambeno (RAEOA), hodi partisipa iha prosesu julgamentu hasoru eis Padre “RD” ne’ebé akuzadu komete kazu pedofilia iha orfonatu Topu Honis.
Xanana to’o iha tribunal, hafoin eis Padre ne’e akompaña hosi komandante Polísia RAEOA nian iha ona fatin, hodi hein ofisial justisia sira konvida tama ba sala julgamentu Iha oras tuku 9:30 otl.
Julgamentu ba arguidos eis padre “DR” ne’e prezide husi juiz koletivou Yudy Pamukas, Evangelino Belo, no Hugo da Cruz Pui
Hosi advogados ba arguidas mak Dr. Pedro Aparicio, Dr. Miguel Acasio Faria, Dr. João Ndun, Dr. Rui António Mendonça no Dr. Eusebio Soares no Defensor Publiku Dr. Marcelino Marques Coro, advogado apoiar Ministeiru Publiku Dr. Olvio Barros no Dra. Hildegardis Wondeng.
Jornalista Neon Metin observa mos katak Tribunal Distrital Oe-cusse katak iha oras tuku 11:15 minutu , Juiz nain tolu foti dezisaun katak julgamentu ne’e sei adia ba aban loron 23/02, oras tuku 9:00 otl. RD sai hosi sala julgamentu iha oras tuku 11.18 otl, akompaña hosi komandante Polisa RAEOA, hodi fila ba nia fatin hafoin lider Kayrala Xanana moss ai hosi tribunal.
Prosesu julgamentu la loke ba publiku, nune’e komunidade sira hamrik iha liur hodi akompanha.
*(David da Costa Gusmao estudante UNTL ne’ebe halo estajiu iha Neon Metin)
