Reportajen Joselina dos Santos
Ministériu Asuntu Parlamentár no Komunikasaun Sosiál (MAPKOMS) serbisu hamutuk entre governu Timor-Leste ho Xina hodi halo instalasaun dijitalizasaun gratuita ba Radiu Televizaun Timor-Leste.
Iha konferensia imprensa ne’e, Ministru Asuntu Parlamentár no Komunikasaun Sosiál (MAPKOMS), Francisco Martins D. P. Jerónimo hateten instalasaun antena no receiver ne’ebé oras ne’e halo, liu-liu iha relasaun dijital nian.
Governante ne’e hatutan relasaun digital ne’e hala’o ona iha Munisípiu sira hanesan Liquisa ho Dili, no mos iha Aileu, iha Postu-Administrativu Laulara no Ermera Postu-Administrativu Railako ho Bobonaro iha Postu-Administrativu Kailako.
Nune’e ba iha faze dahuluk ho Steenboks 30 mill ba iha Munisipiu no Postu-Administrativu. Ba faze daruak prosesu Ministeriu la’o hela ho governu Xina tanba sei prepara tower depois monta tiha material sira ne’ebe relasaun ho dijital depois mak hahu fali instalasaun Steenboks ba parte seluk.
Nia dehan instalasaun ne’e rasik gratuita, la husu osan ruma, tanba oferta mai husi governu Xina ne’ebe mak koopera ho governu Timor-Leste.
Nia esplika, sosializasaun ne’e mak hahu ona halo rejistu maka komunidade sira sei simu formulariu iha tolu, tahan mutin sei mai iha ministériu, mean ne’e sei hela ho komunidade, kinur sei hela ho Xefe Aldeia, sira hotu, laos partidu politiku nian.
“Tanba ne’e mak Ministériu rasik hakarak atu halo esklaresimentu ba públiku tomak, atu labele intende katak sira ne’ebé iha televizaun lakohi rejistu, tanba ne’e mai husi partidu, ne’e laos mai husi partidu polítiku, maibe mai husi governu”, dehan Ministru Francisco Jeronimo, 24/08.
Depois simu tiha antena ho receiver, tekniku sira sei monta diretamente ba kada uma kain ne’ebe mak iha televizaun.
