Reportajen David da Costa Gusmao
Ministeriu Saude (MS) liu husi Sala Situasaun Centru Integradu Jestaun Krize (SS-CIJK) ohin rejista pasiente Covid-19 nain 23 grave, nain 5 uza Ventilador no nain 2 ho CPAP-Continuous Positive Airway Pressure.
Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Dr. Rui Maria de Araújo, informa ohin iha izolamentu Vera Cruz ho Lahane halo tratamentu ba kazu detetadu nain 71.
“Iha área obstetrisia nain 12, medisina interna nain 49, sirurjia nain 5, pediatria 1, no perinatolojia 49,” Dr. Rui informa liu hosi komunikadu imprensa ne’ebe Neon Metin asesu iha loron, Kuarta 25/08.
Nia haktuir sira nain 12 iha obstetrisia, kategoria leve hotu, husi sira nain 49 ihamedisina interna, 23 kategoria grave no nain 5 uza ventilador, nain 2 ho CPAP-Continuous Positive Airway Pressure, nain 16 ho oksijéniu), nain 15 kategoria moderadu, 11 kategoria leve.
Nia salienta nain 5 iha sirurjia, kategoria leve hotu, nain 1 iha pediatria, kategoria leve hotu no nain 5 iha perinatolojia, kategoria leve hotu.
Nia mos informa katak hosi horseik mai ohin loron 25 Agostu tinan ne’e, Laboratóriu Nasionál Saúde halo testes Polymerase Chain Reaction (PCR) hamutuk ema nain 758 iha Dili no horseik iha munisípiu sira seluk, REAOA ho HNGV halo teste PCR ba ema hamutuk 509.
Entertantu dados jeral ba COVID-19 ohin loron 25 Agostu tinan ne’e, kazu foun 361, kazu rekuperadu 144, kazu ativu baixa iha izolamentu 4,052, kazu óbitu ohin nain 1 no total óbitu hamutuk 52, total kazu konfirmadu kumulativu sura husi 21 Marsu 2020 to’o mai ohin loron hamutuk 15,296.
