Reportajen David da Costa Gusmao
Ministeriu Saude (MS) halo avaliasaun nasional ba implementa atividade sira ne’ebe maka uluk halao ona iha tinan 2015 mai too ohin loron, konaba ninian lalaok no progresu, hodi aprejenta dadus familia hira maka ekipa nasional saude na familia halo ona levantamentu no vizita.
Diretór Nasional Saúde na Familia, Vitor Soares Martins hatete objetivu ohin atu halo avaliasaun ba iha atividade sira ne’ebé hahú husi 2015 to’o mai iha ohin loron, konaba nia progresu, no aprezenta konaba dadus família hira mak ekipa nasionál saúde na família halo levantamentu no vizita diagnóstiku participatoriu ba indivíduu ho família sira mak ba vizita, no atu halo revizaun ba iha parte estratéjiku operasionál ba iha avaliasaun nasionál saúde na família, haree katak iha ona estrutura fasilidade hahú husi postu saúde, sentru saúde, sentru saúde internamentu, no mós ospitál referral no nasional.
Nia haktuir, iha ona estrutura fasilidade hahu husi postu de saude, sentru saude, sentru saude internamentu, ho mos hospital referal no Hospital Nasional.
“Maibe ita haree katak, kuidadu saude primaria nee importante tanba ita nia distribuisaun populasaun haree katak, geografikamente balun hela iha foho , ne’ebe ita tenki kria iha hanoin no ideia ida nee sai hanesan esbosu ida,” dehan Diretor Nasional Saude Nafamilia, Victor Soares ba jornalista sira iha Salun Delta Nova, Kuarta 29/09.
Iha fatin hanesan Diretór Servisu Saúde Munisípiu Viqueque hatete daudaun ne’e rezistu saúde na família eletrónika iha Viqueque nian, dozes primeiru ba vasina nian 10 mill ital ona no segundu doze 4 mill ital, ida nee signifika katak saúde na família iha Viqueque lao hela.
“Vizita ami kontinua lao, kona ba iha vizita Epidemolojika entaun ita halo contact trasin ka close contact ba iha ema ne’ebe ho covid-19 nian, familia sira ne’e ita tau atensaun no haruka ekipa ida rapid responthing para ba halo vizita iha ne’eba atu foti sampel nune’e bele hatene sira nia kondisaun nee lao oinsa,” dehan nia.
Kompozisaun ba serbisu nee kompostu ema nain 6 no 7 ba unidade hodi responsabiliza ba 300 xefe familia nian, ne’e katak médiku ida, infermeiru nain ida, parteira nain ida, saúde públiku no kompozisaun sira seluktan
