Home Notisia Kona Ba Nicolau Lobato, KBRI Kontinua Konsulta Ho Governu Iha Sentral

Kona Ba Nicolau Lobato, KBRI Kontinua Konsulta Ho Governu Iha Sentral

192
0

Reportazen Zevonia Vieira

Saudozu Presidente Nicolau Lobato nia mate isin seidauk hetan nafatin to’o ohin loron no vitima violasaun dereitus umanus pasadu nian kontinua ezizi justisa. Kedutaan Besar Republik Indonesia (KBRI) iha Timor-Leste dehan deit katak sira sei kontinua konsulta ho governo sentral Indonesia.

Iha loron lansamentu Ezibisaun Prizaun no Prizoneiru Politiku iha Centro Nasional Chega! [CNC], Jornalista Neon Metin koko halo konfirmasaun ho Embaixada Indonesia iha Timor-Leste konaba ezijensia hosi vitima no povu konaba mate isin Nicolau Lobato ne’ebe to ohin loron sedauk hetan responde hosi governu Indonesia, ba Neon Metin Sekertaris III Fungsi Politik, Aria Daru, esplika katak to’o ohin loron Embaixada Indonesia iha Timor kontinua halo konsultasaun ho governu iha sentral, hodi buka tuir nafatin informasaun kona ba mate isin Nicolau Lobato.

“Koalia honestu deit ami sei esforsu an nafatin hodi buka tuir mate isin Nicolau Lobato , sekarik ami hetan ona, ami sei publika ofisial ba governu Timor-Leste, maibe to ohin loron ami sedauk hetan informasaun klaru konaba ida ne’e, maibe ami sei nafatin buka tuir”, hateten Aria Daru iha CNC, 17/07

Relasiona ho justisa ne’ebe mak to’o ohin loron vitima violasaun dereitus humanus ezije ba governu rua ne’e, Aria Daru hateten durante kooperasaun entre governu rua lao nafatin, liu hosi Komisaun Verdade. no Amizade, kontinua koalia liu hosi forum no kada tinan sempre halo reuni atu bele hetan solusaun masimu

Iha fatin hanesan eiz Prizoneira, Maria da Silva, hatoo ezijensia ba governu Timor-Leste no Indonezia hodi responde lalais ezijensia ne’ebe hatoo kleur ona, hodi hatudu maluk sira nia mate fatin ne’ebe maka sira hakoi ka soe, hanesan Prezidente Nicolau Lobato, Maria Gorete no seluk-seluktan

“Durante ita ukun an, hau sente justisa sedauk iha liga ho violasaun direitus humanus ne’ebe mak tropas Indonesia halo mai povu maubere. Ita presiza justisa ne’e tenke iha, se Timor mak laiha justisa, ema seluk la respeita ita nia nasaun, entaun justisa ne’e importante liu ba rai ida ne’e, liu-liu ba vitima sira ne’ebe haterus sira nia an no lakon familia hodi ukun rasik an”, hateten Maria da Silva.

 

LEAVE A REPLY

Please enter your comment!
Please enter your name here