Reportazen Francisco Jose De Almeida
Editor Zevonia Vieira
Formasaun jornalista importante tebes, atu bele hasae kapasidade jornalista nian, hodi halo servisu profesional liu. Iha komemorasaun loron Balibo Five, ne’ebe halao iha Balibo, Sekretariu Estau Komunikasaun Sosial [SEKOMS], Mericio Juvinal Akara iha loron reflekasaun hateten governo iha ona planu atu fo apoio ba Asosiasaun Jornalista Timor Lorosa’e [AJTL] no Timor-Leste Press Uniaun [TLPU], hodi kria formasaun ba jornalista sira iha area hotu.
“Asosiasaun jornalista sira fo formasaun ida ne’ebé mak avansadu ba jornalista sira governo prontu atu apoia bele hahu ho atividade”, tenik Akara, 15/10
Akara haforsa liutan katak AJTL no TLPU iha tempu badak sei fo formasaun ba jornalista, atu bele aumenta sira nia konnesementu iha área jurnalismu.
Iha fatin hanesan Prezidente AJTL, David Hugo hateten, AJTL sei fo formasaun ba jornalista sira atu hakbiit kapasidade ba iha vida kobertura jornalista nian, iha area konflitu no petroliferun.
“Dadaun ne’e ami halo korelasaun ida ho kruz vermelaha Indonesia, fo formasaun ba jornalista sira oinsa halo kobertura iha area konflitu, oinsa jornalista sira atu tama iha area konflitu labele hetan buat ruma”, esplika David
David realasa katak triste banhira AJTL organiza treinaemntu, jornalista barak ladun iha atensaun hodi partisipa.
“Esforso ne’ebé asosiasaun halo bele fo ba jornalista sira, maibe la hetan resposta ne’ebé positivu husi jornalista no nain ba media sira, ami tenta nafatin programa sira ne’e tuir mai, tamba iha ona planu sei esforso fo formasaun ba jornalista sira”, tenik David
AJTL mos asina ona akordu ho UNESCO hodi halo formasaun konaba Media ho Mudansa Klimatika, ne’ebe sei realiza iha fulan Novembru oin mai.
