Home Notisia Sei Harii Monumentu iha Balibo ba Jornalista Nain 5

Sei Harii Monumentu iha Balibo ba Jornalista Nain 5

152
0
Administrador Municipio Bobonaro, Zeferino dos Santos koalia iha komemorasaun Balibo Five (Foto: Fransisco)

Reportajen Francisco J. Almeida

Presidente Autoridade Munisipál Bobonaro (PAMB), Zeferino dos Santos, hato’o iha nia diskursu ba loron komemorasaun Balibo ho naran koinesidu Balibo V iha Munisipiu Bobonaru katak  iha ona planu tinan oin 2020 governu aprova orsamentu sei harii monumentu ba Jornalista estranjeiru nain 5, ne’ebe militar Indonésia oho iha Postu Administrativu Balibo.

Jornalista estranjeiru  nain 5 mak hetan oho ho naran Greg Shackleton, Tony Stewart, Brian Peters, Malcolm Rennie no Garrry Cunningham ne’ebe hetan oho husi militar Indonésia iha balibo.

Nia dehan, Trazedia Balibo Five akontese iha  16/10/ 1975, tanba militar Indonésia oho jornalista nain Lima inklui joven husi munisipiu Bobonaro postu administrativu Balibo.

“Ami iha ona planu atu tau iha Balibo. Primeiru, atu halo monumentu tanba mate iha ne’e laós sira (jornalista) deit, maibé ita-nia joven lubuk ida mós mate ba ita-nia luta libertasaun ida-ne’e,” dehan Zeferino iha ámbitu komemorasaun trajedia Balibo Five iha Postu Administrativu Balibo, terca-feira, 15/10/1019.

Nia afirma, Parlamentu Nasionál aprova planu Orsamentu Jeral Estadu (OJE) 2020, entaun iha tinan oin hahú konstrui monumentu ida iha Balibo hodi fo onra ba maluk jornalista estranjeiru nain 5 ne’ebe militar indonezia oho inklui joven sira ne’ebe mate iha balibo. Tanba  jornalista estranjeiru nain Lima mai iha Timor leste hodi halao knaar jornlaista atu transmite povu Timor leste nia terus ba mundu, maibé jornalista nain-lima teneke sai vítima ba rai ida ne’e.

Prezidente Autoridade Munisipál Bobonaro ne’e admite  katak,  ho selebrasaun Balibo Five ba tinan 44 ne’e motiva jornalista sira bele halao knaar ho profisionál no livre atu ba ne’ebé deit. Sublina nia.

Iha fatin hanesan Sekretáriu Estadu Komunikasaun Sosiál (SEKOMS), Merício Juvinal dos Reis “Akara”, orgullu tebes ho planu Administrasaun Munisipál Bobonaro nia ideia hodi tau monumentu iha Postu Administrativu Balibo ne’e dadaun ne’e kuinesidu ho naran Balibo Five.

“Ideia ida ne’e diak,  hatudu katak ita agradese sakrifísiu ne’ebé jornalista estranjeiru nain-lima ne’ebe oferese sira nia vida  iha momentu funu naruk ida ne’e” Dehan nia.

Nia afirma, Jornalista estajeiru nain 5 ne’ebé mate no ohin loron koñesidu ho Balibo Five, tanba ne’e sira nia mate hola parte mos iha istória Timor-Leste iha prosesu kontrusaun estadu Timor Leste.

“ita apresia ho sira-nia sakrifísiu, tanba Sira hola parte iha istória funu ida-ne’e ohin bele selebra sira nia tinan 44 iha Timor leste Liu Liu iha Munisipiu Bobonaru Postu Administrativu Balibo.

Governante ne’e mós apresia família jornalista nain 5 ne’ebé durante ne’e apoia komunidade Balibo hodi harii Balibo Trail Tours.Tanba ne’e, tuir nia, merese selebra duni jornalista nain 5 ne’ebé mate iha 1975, tanba iha tempu funu laós deit membru militár mak alvu maibé jornalista mós sai alvu.

“Tanba ne’e mak jornalista barak lakon sira-nia vida, hanesan mós militár. Jornalista sira mós hetan risku boot iha funu, liu liu hetan torturasaun iha funu,” Tenik nia.

LEAVE A REPLY

Please enter your comment!
Please enter your name here