Home Notisia TANE Prepara Cabaz ba Natal Ne’ebe Asesivel ba Konsumidor sira Poupa Osan

TANE Prepara Cabaz ba Natal Ne’ebe Asesivel ba Konsumidor sira Poupa Osan

472
0
tabela konaba presu ne'ebe asesivel ba konsumidor sira. [Foto: Dokumentu TANE Konsumedor | 23.12.2020]

Reportazen Zevonia Vieira

TANE prepara cabaz ba loron natal ne’ebe asesivel liu ba konsumidor sira, ho hili sasan ne’ebe diak konsumidores bele poupa osan hosi $4.00 – $70.00

Liu hosi komunikdade imprensa ne’ebe Neon Metin asesu TANE Konsumedor informa katak tama ba natal, familia timoroan sira preokpa barak liu konaba sosa sasan ai-han ba hahan, hodi selebra loron natal nian.

Atu tulun familia sira hodi hili estabelesimentu komersial ne’ebe mak faan sasan baratu liu, TANE rekola folin sasan hamutuk 12 produtus ne’ebe mak konsumidor sira buka.

Cabaz natal ne’ebe mak konsumidor sira buka liu ka sosa ba periodu loron natal niana ba mak hanesan fos, nan manu, trigu, manu tolun, masin midar, manteiga, mina, aifuan, cerveja no soft drink. Hosi folin produtu sira, hili obedese ba kriteiru sira hanesan hili sasan ho folin baratu liu tuir ida-idak nia kategoria ba produtu alimentar sira independentemente husi nia marka no ninia  orijin. Produtu sira ne´ebe hili ho quantidade kiik liu ne´ebe disponivel, folin sira tenki ajusta no koresponde ho quantidade hanesan no indika iha cabaz (exemplu,inklui 1 litru mina iha cabaz  no kasu hanesan loja balun fan ho unidads 750 ML ou 1,5 Ltr, folin sira hetan kalku hodi koresponde ho folin ho litru). Produtu sira hotu fan iha estabelesimentu komersiu sira nebe indika. Sasan hotu nia folin afixa iha dolare americano. Sasan ne´ebe hili iha loja ka estabelesimentu komersial sira hare iha Tabela, hotu-hotu estabelese iha Dili,husi loron 03 tó loron 14 fulan Dezembru tinan 2020 no konaba nan (carnes), hili hatama nan manu (frango) tanba loja ka estabelesimentu barak mak fan nan manu (frango) du ke nan (carnes) ninia folin karu liu ka folin ás liu tanba ne´e konsumidor Timor oan sira la hili produtu ida ne´e.

Tabela ne´e hatur tuir orden kada “cabaz´´ ne´ebe baratu, destaka iha kada lina, iha ne´ebe hetan produtu ne´ebe baratu liu. 

Liu hosi komunikada imprensa TANE fó hanoin ba konsumidor sira atu jere ho diak imi nia osan (orçamento) iha biban ne´ebe mak hasae konsumu. Molok atu sosa sasan ruma, importante hatene osan hira mak disponivel hodi gasta no halo lista ba sasan ne´ebe mak realmente falta duni. Tenki kompara sempre sasan nia folin liliu produtu alimentares sira iha estabelesimentu komersial ne´ebe la hanesan no nune bele hili produtu nebe baratu liu no acesu ba ita nia karteira. Kumpri orsamentu ne´e fundamental, atu nune labele gasta arbiru tuir kbit ne´ebe iha, labele sosa sasan ne´ebe la presisa.

TANE tatoli lia menon ba konsumidor sira atu koidadu ho seguransa alimentar, hare didiak ba ninia kondisaun sira ba konservasaun aihan nian molok no hafoin sosa sasan, loron validade ba aihan alimentar sira no pratika nebe diak ba higiene no seguransa hodi prepara  atu tein hahan.

Print Friendly, PDF & Email

LEAVE A REPLY

Please enter your comment!
Please enter your name here