Home Notisia AJTL Husu Ba Seguransa, Forsa no Governo, Respeita Liberdade Imprensa

AJTL Husu Ba Seguransa, Forsa no Governo, Respeita Liberdade Imprensa

747
0
Freedom of the Press news headline on a copy of the US Constitution

Reportazen Santina Lucia da Costa

Editor Zevonia Vieira 

Liberdade imprensa nudar prinsipiu fundamental, ba media no jornalista sira. Liu hosi nutisia ne’ebe mak produs tuir prinsipiu jurnalismu no kodigu etika jurnalistiku.

Iha komemorasaun loron Balibo Five ba dala 44, iha eventu reflekasaun ne’ebe organiza hosi Konselho Imprensa no asosiasaun jornalista iha Balibo. Liu hosi refleksaun Prezidente Asosiasaun Jornalista Timor Lorosa’e [AJTL], David Hugo hateten, AJTL kontinua luta ba liberdade imprensa, no jornalista sira mos tenke respeita kodigu etika jurnalistiku, liberdade ne’ebe iha ona, labele lakon leet iha nia vida jornalista.

“AJTL nia papel hatutan de’it buat ne’ebé mak fundador sira halo tiha ona, AJTL tau matan ba jornalista sira, oinsa hakbiit jornalista sira nia kapasidade iha area oioin, papel seluk mak halo advokasia konaba liberdade imprensa. AJTL hamutuk ho TLPU akompaña kazu balun ne’ebé maka konsege lori to’o iha tribunal, ne’ebe membru polisia balun halo ba jornalista sira, to’o ikus kazu absolve iha tribunal”, dehan Prezidente AJTL, 15/10

Liu hosi refleksaun Prezidente AJTL husu ba parte seguransa, forsa, autoridade lokal no governu atu respeita servisu jurnalismu nian, no respeita kodigu etika jurnalistiku no labele halo violensia hasoru jornalista sira, bainhira jornalista halo servisu iha fatin publiku

Iha fatin hanesan Sekretariu Estadu Komunikasaun Sosial [SEKOMS], Mericio Juvinal Akara, hateten importante mak publika nutisia tenke bazeia ba Lei Konstituisaun RDTL. Governu hakarak asegura liberdade espresaun bazeia ba Konstituisaun RDTL, ne’e hanesan fundamentu atu kumpri.

“Situasaun balun iha terenu dalaruma la hanesan iha nivel operasional, dinamiku ita simu kritika, simu sujestaun, wainhira ita nia autóridade balun la koopera ho jornalista atu fo informasaun, karik ita nia autóridade balun la atende, tanba iha razaun balun, dinamiku sira ne’e akontese iha terenu nivel operasional. Ne’e duni ita hanoin ita nia kolaborasaun tenke iha, para relata nafatin dinamiku balun ne’ebe akontese iha terenu”, hateten Akara

Akara mos hateten media labele uza espasu publiku ne’e ho sala, “kuandu uza sala, ita mós bele fó beneno ka fó materia ladun diak”.

Print Friendly, PDF & Email

LEAVE A REPLY

Please enter your comment!
Please enter your name here