Home Meio Ambiente UNDP HO HASATIL Fo Formasaun Ba Joven No Estudante Sira Oinsa Halo...

UNDP HO HASATIL Fo Formasaun Ba Joven No Estudante Sira Oinsa Halo Resiklazen Hosi Lixu

415
0
Kordenador Rede Hasatil Gil Boavida. [Foto: Francisco JDA | 05.02.2020]

Reportazen Francisco JDA 

Meio ambiente sai fator importante iha era globalizasaun, tanba mundu tomak sai ameasadu hosi hahalok ema nian, ne’ebe mak nia rasik sei estraga natureza.

Problema ida ne’ebe agora ema barak preokupa mak konaba lixu plastiku, tanba impaktu negativu hosi lixu plastiku sei afeita ba ema, animal no rai.

Ho preokupasaun global nian, UNDP iha Timor-Leste kria treinamentu ba estudante no juventude sira konaba Planu Estabelesimentu Sentru Integradu Gestaun Lixu, atu akumula juventude sira ne’ebe iha inisiativu, hodi hasae kapasidade nune’e bele reforsa atividade iha familia no sosiedade nia laran.

Kordenador Rede Hasatil Gil Horacio Boavida informa ba Neon Metin katak treinamentu ne’e atu orienta estudante no juventude oinsa mak bele jere lixo organika, nune’e bele dezenvolve no produz ba iha uudubu no bele faan.

“Juventude sira hakarak buka rekursu ruma, apoio sira nia atividade ba sustentabilidade hodi sai ponto rendimentu ida ne’ebe mak bele substitui nesesidade, kontinua sira nia atividade sira iha bairo, faze agora ne’e haforsa koneksaun relasaun joven sira ne’e mak iha interese no inisiativa diak, bele utuliza sira ho diak”,  dehan Gil Horacio Boavida Iha Sede Hasatil Farol, 05/02

Gil hatutan lixu ne’e atu transforma ba adubu ne’e mai hosi lixo natural hanesan ai-tahan, hudi kain buat ne’ebe natureza nian, bele dezenvolve sai ba adubu, nune’e iha sentru ne’e rasik mos iha resiklazen ne’ebe halibur lixu hosi Kaikoli no Farol halo prosesiamentu sai ba vazu no tizolu hodi faan

“ita mesak la bele solusiona lixu no problema lixu laos sai prekupasaun ba sosiedade Timor, maibe mundo tomak iha prekupasaun atu jere lixu, nune’e Timor hanesan nasaun foun, ita aprende hosi nasaun ne’ebe besik , ita tenke tau ona prioridade ba prosesu jestaun lixu, nune’e ba futuru la bele sai fali ameasa ba ita hamosu inudasaun, tasi ibun sira nakonu ho foer”, tenik Kordenador Gil Oracio Boavida.

Iha fatin hanesan partisipante hosi Environment Activity Timor-Leste, Pascoal dos Santos hateten, ema mak produz lixu no ema mak halo lixu, nune’e sasan sira ne’e labele uja ona,  bele dezenvolve sai ba adubu.

“Ita hare ba iha organiku ai-tahan sira ne’ebe ita iha, bele produz sai adubu hodi kuda fali buat ruma,  tanba foer sira ne’ebe soe lori hamutuk mai iha ne’e, nune’e bele produz fila fali, tanba problema lixu ne’e ita presiza hadia, tenke tau ona iha nia fatin”, tenik pascoal dos Santos

LEAVE A REPLY

Please enter your comment!
Please enter your name here