Home Notisia PD Seidauk Iha Desizaun Forma Governu Foun Ou Halo Koligasaun

PD Seidauk Iha Desizaun Forma Governu Foun Ou Halo Koligasaun

724
0
Sekretariu Jeral Partidu Demokrariku, Antonio da Conceicao "Kalohan". [Foto: Copyright Media PD | 18.02.2020]

Reportazen Zevonia Vieira

Informasaun ne’ebe espalha iha publiku katak Partidu Demokratiku atu forma governu foun hamutuk ho partidu boot CNRT, PUDD, UDT no FM. Neon Metin koko halo konfirmasaun ba informasaun refere, bainhira Sekretariu Jeral Partidu Demokratiku, Antonio Conceicao “Kalohan” hamutuk hasoru malu ho Sekretariu Jeral partidu FRETILIN, Dr. Mari Alkatiri iha CCF.

Ba Neon Metin Kalohan hatan Partidu nafatin defende dialogu entre partidu politiku sira, liu-liu iha situasaun politika ne’ebe akontese dadauk, nudar responsabilidade partidu politiku sira, atu bele resolve problema politika ne’e.

“Agora dadauk PD loke hela komunikasaun politika tanba ne’e mak PD haruka hela karta ba FRETILIN no CNRT, hodi tenta loke komunikasaun politika ida ne’ebe mak iha entendimentu ida, tanba situasaun ne’e labele kontinua hanesan ne’e, tanba populasaun mak sai vitima ba situasaun ida ne’e. Ami iha dever nudar partidu ida hodi buka malu no koalia ba malu, agora solusaun ne’e depende ba vontade sira ne’ebe sei mosu ikus, ida ne’e laos signifika ami buka malu atu forma ka halo koligasaun”, hateten Kalohan iha CCF, 18/02.

Iha tempu badak lideransa Partidu Demokratiku sira mos sei hasoru malu ho partidu CNRT hodi halo dialogu hanesan responsabilidade partidu politiku sira, hodi situasun politika ne’ebe sei lao hela.

 

LEAVE A REPLY

Please enter your comment!
Please enter your name here