Home Justisa Kazu Soe Bebe, SEII: Dalabarak Sempre Fo Salah Ba Inan, Mane Balun...

Kazu Soe Bebe, SEII: Dalabarak Sempre Fo Salah Ba Inan, Mane Balun Laiha Responsabilidade

481
0
Sekretaria Estadu Igualdade no Inkluzaun, Maria Jose Fonseca. [Foto: Santina Lucia da Costa | 12.03.2020]

Reportazen Santina Lucia da Costa

Loron feto mundial ne’ebe monu iha loron 8 Marsu, Fundasaun Alola ho organizasaun feto sira seluk, realiza seminariu ho tema  “Asegura Igualdade Jeneru no Asaun Prevensaun ba Kazu Infantesidu”.

Relasiona ho defirente kazu abandonu bebe no soe bebe, Sekretaria Estadu Igualdade no Inkluzaun, Maria Jose Fonseca ba jornalista sira hateten abandonu bebe katak, bebe ne’e moris, nia sei dada iis hela, tau ses tiha iha fatin ruma, infantesidu ka soe bebe ne’e katak, halo lakon tiha bebe nia moris, entaun ida ne’e problema sosial ida.

Maria Jose Fonseca hateten katak, governu liu hosi SEII halo advokasia, Ministeriu Saude, Ministeriu Edukasaun, Parlamentu Nasional no parte lubuk ida mak hanoin hamutuk, hodi buka solusaun, hodi ba problema ida ne’e.

Maria Jose Fonseca  realsa katak  valor ida respeita ema nia vida, labele halo lakon ema nia vida, valor ida ne’ebe laos impoin husi governu no estadu, maibé valor ida kuda iha familia nia laran. Importante tebes ba familia hotu, atu kuda hanoin ida ne’e, familia sei moris iha valor ida ne’ebé labele halo lakon ka hases tiha ema ida hanesan buat ida folin laek.

“Dalabarak kazu abandonu bebe ka infantesidu akontese ema fó sala ba inan, tanba inan mak kous bebe iha nia kanotak fulan 9 nia laran, inan mak hahoris bebe, entaun autómatikamente ema fó sala ba inan. Maibé ita hatene katak situasaun barak laos de’it inan mak hakarak rasik hodi soe bebe, mane balun la iha responsabilidade, entaun inan hanoin barak foti aktus ida ne’e, tau ses tiha bebe ka halakon bebe nia moris”, hateten Maria Jose Fonseca.

Maria Fonseca hateten Lei sira ne’e iha, hodi prosesa buat sira ne’e no se iha  evidensia, nia salah no sei responsabilidade ba nia salah, nia sei hetan kastigu.

LEAVE A REPLY

Please enter your comment!
Please enter your name here