Home Saude La Publika Identidade Positivu Corona Tanba Kazu Importadu, Sei Publika Sekarik Iha...

La Publika Identidade Positivu Corona Tanba Kazu Importadu, Sei Publika Sekarik Iha Ona Transmisaun Lokal

436
0
Ilustrasaun virus Corona. [Foto: Copyright google | 07.03.2020]

Reportazen Zevonia Vieira

Surtu moras virus Corona ne’ebe mak afeta ona mai timor ho total kazu 2, no hamosu diskusaun publiku konaba atu publika sai identidade maluk timoroan ne’ebe mak konfirmadu positivu virus Corona,  liu hosi konferensia imprensa, Portavoz Centru Integradu Jestaun Krize [CIJK], Dr. Rui Araujo informa ba publiku katak fo tempu Ministeriu Saude hodi halo nia serbisu, barak reklama tanba saida mak labele publika ema nia identidade, nia problema ne’e tanba kazu importadu.

“Ministeriu Saude iha dadus ona no bele buka tuir sira ema sira ne’ebe mak halo ona kontaktu ho nia, hodi nune’e bele observa detalhamente, hafoin bainhira sira hatudu sintomas, ita halo ezame ba sira”, esplika Dr. Rui, iha CCD, 11/04.

Dr. Rui hatutan sekarik iha ona transmisaun iha komunidade, bele muda politika ho sentidu,  no presiza hatoo ba publiku ema ne’ebe positivu, hodi nune’e publiku rasik bele hatene no hare, “Sekarik iha kontaktu ho ema ida ne’e, tenke identifika hau nia an. Ida ne’e prosidementu ne’ebe pais hotu halo”.

CIJK husu mos ba populasaun tomak, katak kontinua hela iha uma no lalika sai bainhira la presiza. Agora dadauk iha xede suku barak haruka komunidade sira ba foti folmulariu, favor hela hakmatek iha uma.

Tuir Dr. Ruir katak fatin sira ne’ebe halibur ema barak, mak sei bele hadaet virus hosi ema ida ba ema seluk. Moras Covid-19 ne’e hadaet hosi ema ida ba ema seluk, se ema idak-idak tur iha nia fatin, dook malu no labesik malu, moras ne’e sei la daet ida, hodi nune ita hotu hamutuk kombate moras ida ne’e.

LEAVE A REPLY

Please enter your comment!
Please enter your name here