Home Notisia FONGTIL Rekomenda Ba CIJK, Aplika Prinsipiu Integradu Iha Progresu Loron-Loron

FONGTIL Rekomenda Ba CIJK, Aplika Prinsipiu Integradu Iha Progresu Loron-Loron

219
0
Diretur FONGTIL, Daniel dos Santos, Lansa Centru Informasaun ba Impaktu COVID-19

Reportajen Francisco JDA

Iha Lansamentu ba Centru Imformasaun Impaktu Covid-19, Forum Organizasaun Naun Governamental Timor Leste (FONGTIL) rekomenda atu CIJK relata mos informasaun kona ba impaktu socio-ekonomiku hosi COVID nian.

“Centru Integradu Jestaun Krise (CIJK) atu aplika prinsipiu integradu relatorio prosesu loron-loron. CIJK presija relata mos informasaun sira kona ba situasaun sosio ekonomia no direitus humanus atu publiku mos bele akompana,” Diretor Fongtil Daniel dos Santos Iha salaun Fogtil Kaikoli, 01/05.

Daniel mos husu atu mantein prestasaun servisu no reforsa kampane prevensaun iha munisipiu.

“Husu atu identifika no fornese asistensia nesesidade baziku ba sidadaun ne’ebe vuneravel presisa liu, instituisaun relevante sira liu-liu CIJK mantein prestasaun servisu diak ne’ebe iha no hadia diak liu tan ho espiritu solidariedade iha implementasaun regra Estadu Emerjensia halo medida prevensaun Surtu Covid-19. Ba autoridade municipiu sira atu enfazia no haforsa kampane prevensaun Covid-19 no kontinua halo sensibilizasaun atu hasae konsensia komunidade kona ba importansia hijene  pesoal mantein distansia fiziku no uza maskara,” Daniel hatuan.

Diretu FONGTIL ne’e mos husu ba governo atu fornese ekipamentu protesaun individual ba jornalista no autoridade seguranca sira hotu tanba sira iha risku boot atu sai suspeitu Covid-19 no fasil atu hadaet ba ema seluk, husu mos populasaun sira hotu atu iha responsabilidade hodi mantein disiplinha kumpri regras Estadu Emerjensia.

LEAVE A REPLY

Please enter your comment!
Please enter your name here