Home Uncategorized MS Reintegra Pasiente Covid-19 Kuradu Nain 10 Ba Familia, Pasiente Felisiano: Agredese...

MS Reintegra Pasiente Covid-19 Kuradu Nain 10 Ba Familia, Pasiente Felisiano: Agredese Ba Pesoal Saude Sira

253
0
MS Reintegra fila pasiente Covid-19 nebe kuradu ba familia. [Foto: Francisco JDA | 01.05.2020]

Reportazen Francisco JDA

Ministeriu Saúde [MS] liu hosi Centru Integradu Jestaun Krize [CIJK] reintegra Pasiente Rekuperadu nain 10 hosi Centru Saúde Vera Cruz ba sira nia familia no komunidade.

Portavoz CIJK Dr. Sergio Lobo ba jornalista sira hateten agradese ba maluk nain 10 ne’ebé sai hosi izolamentu no sira livre ona hosi infesaun.

“Sira halo tiha ona teste negativu dala rua tuir tuir malu, nune’e agradese ba maluk nain 10 ne’ebé sai agora no ba maluk sira iha izolamentu, kuarentena agradese ba sira nia dispozisaun kooperasaun atu esforsa moras ne’e labele hadaet ba Timor laran”, tenik Porta Voz CIJK Dr Sergio Lobo iha Centru Saúde Vera Cruz,01/05

Dr. Sergio hatutan apresia tebes ba kolega sira, tanba sira iha disponivel atu hela iha izolamentu atu evita propagasaun iha komunidade nia laran, sira ne’ebé fila ona ne’e hetan rekomendasaun hosi Miniteriu Saude nune’e bele iha kontaktu nafatin bainhira hetan fali sintomas

Iha fatin hanesan reprezentante pasiente rekuperadu Felisiano Amado bainhira fahe esperiénsia, hateten durante iha kuarentena hotel Katuas buat hotu lao di’ak no nia parte husu agradese wain ba pesoal saúde ne’ebé durante ne’e tau matan ho di’ak

Bainhira ami teste positivu ami la iha sintomas la iha mear, la inus ben no la isin manas maibé dotora esplika iha duni virus oituan iha kakorok”,  tenik Felisiano

Felisiano husu ba sidadaun hotu mantein nafatin pozisaun, distansia sosial no fízika, fase liman beibeik no uja maskra.  Bainhira iha nesesidade mak bele sai,  hakmatek iha uma tanba virus ne’e kona ema hotu ita la espera.

Maluk timoroan ne’ebe rekuperadu kompostu hosi feto nain 5 no mane nain 5, maioria hosi hotel Katuas.

Print Friendly, PDF & Email

LEAVE A REPLY

Please enter your comment!
Please enter your name here