Home Uncategorized Folin Minarai no Gaz Tun -4,7%, PR: Agrikultura Mak Baze Ekonomia, Tenke...

Folin Minarai no Gaz Tun -4,7%, PR: Agrikultura Mak Baze Ekonomia, Tenke Investe Makaas

314
0
to'os iha Hera. [Foto: Zevonia Vieira | 20.05.2020]

Reportazen Santina Lucia da Costa

Relasiona ho Moras surtu Covid-19 lori konsekunesia ekonomia mundiál no afeta umanidade tomak nia moris.

Iha 20 de Maiu Loron Restaurasaun Independensia Timor-Leste, Prezidente da Republika, Francisco Guterres Lu Olo hateten moras COVID-19folin minarai no gáz sei kiik nafatin no sei la hanesan uluk ona,  bele tun tan karik! Iha merkadu finanseiru, nasaun-sira riku ne’ebé ita investe hela osan Fundu Minarai iha ne’ebá, hatudu mós katak valor bolsa tun makas nu’udar konsekuénsia husi hapara atividade ekonómika.

“Situasaun ida ne’e lori impaktu boot ba reseitas ba ita-nia Fundu Minarai. Ita-nia Banku Central foin lalais ne’e fó sai relatóriu trimestral ne’ebé hatudu retornu negativu husi investimentu.  Tun pursentu haat virgula hitu (-4,7%) iha fulan Janeiru to’o Marsu, tinan ida ne’e. Ho retornu negativu, ita-nia Fundu Minarai lakon reseitas liu $840 millioins, iha fulan haat nia laran.” hateten Prezidente Republika, Francisco Guterres “Lu-Olo” ba jornalista sira iha Palasiu Prezidensial, Aitarak-Laran, loron, 20/5.

Lu Olo hatutan biar osan Fundu Minarai la funan hanesan horiuluk, Timor-Leste iha hela oportunidade di’ak ida hodi aselera reformas estruturais. Bele haree fila fali oinsá Timor-Leste bele sai País ida ne’ebé bele atrai duni investimentu husi rai-li’ur, hetan konfiansa husi investidor-sira no sai país ida ne’ebé seguru atu halo negósiu.

“Ita-nia País iha kapasidade atu nakfilak husi ekonomia-de-konsumu ba ekonomia-de -produsaun.  To’o ona tempu atu produtor lokal sira aumenta liután sira-nia produsaun no produtividade, liuliu ba hahán báziku”, dehan Lu Olo

Prezidente da Repúblika apela ba sidadaun hotu atu sosa produtu lokál, atu nune’e bele motiva ita-nia agrikultor no produtor-sira atu hasa’e sira-nia produsaun.

“Agrikultura mak ita-nia baze ekonomia no sektór ida ne’ebé bele fó empregu barak liután ba ita-nia sidadaun sira. Nune’e, ita presiza investe maka’as iha agrikultura”, hateten Lu Olo

LEAVE A REPLY

Please enter your comment!
Please enter your name here