Home Notisia Bankada 3 Apresia Deputadu Arao Lori Keixa Ba TR, Maibe Lamenta Tanba...

Bankada 3 Apresia Deputadu Arao Lori Keixa Ba TR, Maibe Lamenta Tanba Tarde Los

415
0
Bankada FRETILIN, PLP no KHUNTO iha konferensia imprensa. [Foto: Francisco JDA | 16.05.2020]

Reportazen Zevonia Vieira

Relasiona ho eleisaun destituisaun ne’ebe halao hosi bankada PLP, FRETILIN no KHUNTO hodi hasoru Prezidente Parlamentu sesantu Arao Noe Amaral no eleisaun ba Prezidente Parlamentu foun, Aniceto Guterres, iha loron 22 Maiu, Prezidente Tribunal Rekursu (TR) hatoo despaxu ida ba Parlamentu Nasional, hodi husu orgaun ne’e fornese informasaun detaillus balun konaba prosesu destituisaun no hili Prezidente Parlamentu foun.

Liu hosi komunikadu imprensa hosi bankada FRETILIN, PLP KHUNTO ne’ebe Neon Metin asesu esplika katak Prezidente Tribunal Rekursu nia despaxu ida ne’e relasiona ho rekerimentu ida ne’ebé deputadu Arão Noe Amaral hatama ba tribunal rekursu, hodi husu fiskalizaun ba konstitusionalidi ba prosesu destituisaun.

“Bankada parlamentar PLP, FRETILIN no KHUNTO apresia áktu politiku deputadu Arão Noe Amaral, lori rekerimentu ba fiskalizasaun ba Tribunal Rekursu, maske ami mós lamenta tamba áktu ida ne’e, nia hala’o hafoin deputadu sira husi ninia bankada rasik komete tiha ona hahalok krime iha sala plenaria nia laran, to’o baku fila meza Prezidente Parlamentu Nasional nian, ne’ebé hamosu preokupasaun husi públiku no entidades oioin”, hateten vice-Xefe bankada FRETILIN, Francisco Branco, 24/05.

“Áktu politiku sira hanesan ne’e duni mak polítiku sira tenki halo atu hatudu maturidade politiku no atu fortifika ita nia demokrasia. Deputadu sira iha Parlamentu Nasional presiza atu banati tuir povu nia komportamentu, nebe’e hakmatek hala’o sira nia moris ho normalidade maske sira nia reprezentante sira iha Parlamentu Nasional hatudu hahalok ne’ebé laos ezemplu diak,” Deputadu Francisco Branco konklui.

Hanoin hanesan mai mos hosi Xefe Bankada PLP, Francisco de Vasconcelhos hateten katak se deputadu Arao Noe lakohi lori deputadu sira komete aktu sira ne’ebe povu Timor-Leste tomak akompanha no kestiona, ne’ebe akontese iha loron 18 – 19 Maiu, tuir Xefe bankada PLP katak tuir lolos lori keixa hasoru pedidu destituisaun bai ha Tribunal antes akontesementu.

Hosi bankada KHUNTO nian, deputada Olinda Guterres haktuir katak apresia tebes komportamentu politiku deputadu Arao Noe nian hodi entrega gabinete, rezidensia ofisial no sasan sira Prezidente Parlamentu Nasional nian ba Prezidente Parlamentu Foun, maske tuir Olinda hateten deputadu Arao Noe sei hein desizaun final hosi Tribunal Rekursu, konaba pedidu fiskalizasaun ne’ebe nia hatama.

Maske nune bankada PLP, FRETILIN no KHUNTO apresia ho hahalok polítiku deputadu Arão Noe nian, “ida ne’e la taka dalan ba keixa kona ba abuzu poder ne’ebé Deputadu Arão Noe komete, hodi viola rejimentu parlamentu nasional nian, liu husi rejeita atu ajenda votasaun ba pedidu destituisaun ne’ebé tuir lolos nia tenki ajenda obrigatoriamente iha loron 5 nia laran tuir Art. 16-B rejimentu parlamentu nasional, hodi atu koko blokeia funsionamentu normal Parlamentu Nasional nian, haktuir iha komunidade imprensa ne’ebe mak distribui hosi bankada PLP, FRETILIN no KHUNTO.

Print Friendly, PDF & Email

LEAVE A REPLY

Please enter your comment!
Please enter your name here