Home Notisia Komisau A Iha PN Halo Diskusaun Konaba Lei Protesaun Labarik no Foinsae

Komisau A Iha PN Halo Diskusaun Konaba Lei Protesaun Labarik no Foinsae

769
0
Labarik sira. [Foto: Zevonia Vieira | 01.07.2021]

Reportajen Francisco JDA

Parlamentu Nasionál (PN) liu hosi komisaun A, haree asuntu Konstituisaun no Justisa halo diskusaun kona ba paraser sectorial lei Protesaun Labarik no Foinsae iha Perigu, hodi kria kondisaun ba protesaun labarik no foinsae.

Hafoin diskusaun remata,  Presidente Komisaun A, Joaquim dos Santos ba jornalista sira hateten, projetu lei criancas joven em perigu ne’e atu kria kondisaun no fó protesaun ba labarik sira ne’ebé abandonadu

“Ohin komisaun A finaliza ninia paraser sectorial atu haruka ba Parlamentu atu konsidera iha diskusaun, aprovasaun jeneralidade ba lei ida ne’ebé fó protesaun ba labarik no joven sira ne’ebé hetan perigu, ita mós hare no halo referénsia ba ho konvensaun internasionál sira kona-ba Protesaun da Criancas”, hateten Presidente Komisaun A, Parlamentu Nasionál, Joaquim dos Santos iha PN, 01/07

Presidente Komisaun A ne’e dehan, iha mós rekomendasaun ba Komisaun F ne’ebé  trata Asuntu Saúde, Seguransa Sosiál no Igualdade Jéneru, ba kestaun sira ne’ebé sensitivu liu ba labarik nia direitu no tenke kria kondisaun ba estadu atu bele tau matan ba labarik sira ne’ebé abandonadu

“Ita trata buat rua, ida responsabilidade família relasiona ho governu nia obrigasaun polítika kona ba labarik ne’e importante, tuir ita nia konstituisaun artigu 39 ne’e mós iha direitu para harii família, mais familia ne’ebé ho responsabilidade, la’ós harii familia hahoris mai abandona tiha, kuandu sente seidauk bele forma familia hein lai,” hateten Presidente Comisaun A Joaquim dos Santos Boraluli

Print Friendly, PDF & Email

LEAVE A REPLY

Please enter your comment!
Please enter your name here