Reportazen Raimundo Seguerau
Durante loron rua ona deputadu sira husi bankada CNRT, UDT/Frente Mudansa no PUDD la partisipa sesaun plenaria iha uma fukun Parlamentu Nasional (PN) inklui enkontru komisaun sira.
Tuir Vise Prezidente Parlamentu Nasional (VPPN), Luis Roberto katak kualker deputadu ka deputada sira, se de’it mak la partisipa iha sesaun plenaria no enkontru komisaun sira hatudu katak kontra ona rejimentu PN artigu 71.
Tanba rejimentu PN artigu 71 esplika katak kuandu deputadu ida halo knaar mak la tama loron lima tui-tuir malu, laiha informasaun ne’ebé atu justifika sira nia falta, entaun ita prosesa administrativamente no legalmente.
“Rejimentu hanesan matadalan ida ba segundu orgaun soberania hanesan Parlamentu Nasional ne’ebé mai iha parlamentu hodi reprezenta povu, halo polítika ba interese povu no nasaun ne’e nian”, dehan Vise ba jornalista sira iha PN, 26/05.
Luis Roberto hateten ida ne’e mak medidas ne’ebé sei halo, wainhira deputadu no deputada sira latama iha plenaria no iha komisaun, agora importante mak ita tenke husu sira katak, sira partisipa plenaria ga lae, se lapartisipa tanba saida, atu nune’e bele hatene didi’ak.
“Ita hotu hala’o ita nia knaar, funsaun, hakarak ne’e valoriza povu nia votus, mai ko’alia politika, mai iha plenaria tanba plenaria mak aas liu tan ne’e, husu nafatin ba deputadu sira ne’ebé mak iha parlamentu ne’e, hotu-hotu tenke hatudu serbisu ho pontualidade”, hateten Luis
