Home Notisia Aban 29 Maiu, PR Posse Membru Governo Foun, Berta ba Vice...

Aban 29 Maiu, PR Posse Membru Governo Foun, Berta ba Vice PM, Fidelis ba MPKM

1750
0
Vise Primeira-Ministra Armanda Berta dos Santos no Ministru ba Prezidénsia Konsellu Ministru Fidelis Manuel Leite Magalhāes

Reportajen Santina LDA

Prezidente Repúblika, Francisco Guterres Lú Olo, aban, loron sesta-feira,  29 maiu, sei fó posse ba membru foun VIII  Governu Konstitusionál hamutuk na’in-8.

Prezidente Repúblika uza nia kompeténsia tuir artigu 106 númeru 2 hodi nomeia no ezonera membru Governu hafoin simu proposta husi Primeiru Ministru.

Liuhusi Dekretu Prezidente, númeru 39/2020, nomeia Vise Primeira-Ministra Armanda Berta dos Santos, Ministru ba Prezidénsia Konsellu Ministru Fidelis Manuel Leite Magalhāes, Ministru ba Assuntu Parlamentares no Komunikasaun Sosiál , Francisco Martins da Costa Perreira Jerónimo, Ministru Finansas Fernando Hanjam, Ministru Administrasaun Estatal Miguel Pereira de Carvalho, Ministra Saúde Odete Maria Freitas Belo, Ministru ba Assuntu Kombatentes Libertasaun Nasionál Júlio Sarmento da Costa ‘Meta Mali’, Ministru Agrikultura no Peskas Pedro dos Reis.

Iha 25 maiu, Prezidente Repúblika promulga Lei Orgániku foun VIII Governu Konstitusionál. Iha Lei Orgániku foun, Primeiru Ministru sei koadjuva husi Vise Primeiru Ministru na’in-rua. Kada Vise  Primeiru Ministru ida sei akumula funsaun Ministru Plano e Ordenamento no Ministru Solidariedade Sosial no Inkluzasaun. 

Tuir komunikadu imprensa ne’ebe Neon Metin Asesu husi media Prezidensia Republika katak, Serimónia tomada posse ba membru foun Governu VIII na’in-8 nian sei hala’o iha Palásiu Prezidensiál Nicolau Lobato, tuku 10 dader.

LEAVE A REPLY

Please enter your comment!
Please enter your name here