Home Notisia AUTL: Governu Halo Diskriminasaun no Injustisa Ba Estudante Iha Rai Laran no...

AUTL: Governu Halo Diskriminasaun no Injustisa Ba Estudante Iha Rai Laran no Liur Konaba Subsidiu

3103
0
AUTL halo konferensia imprensa. [Foto: David da Costa Gusmao | 17.07.2020]

Reportazen David da Costa Gusmao

Relasiona ho pandemia Covid-19  sai preokupasaun ne’ebe prejudika ekonomia estadu hotu nian, inklui estadu Timor-Leste.

Situasaun ida ne’e liu hosi konferensia imprensa Aliansa univesitariu Timor-Leste [AUTL], kontra makaas tebes dezisaun politika governu ne’ebe trata estudante iha rai liur ho rai laran la balansu,  AUTL konsidera dezisaun politika ida ne’e injustu no diskrimina ba estudante ensinu superior iha rai laran.

Porta voz AUTL, Moises Soares Magno hateten desizaun estadu Timor-Leste, ne’ebe kria desizaun politika liuhusi Dekretu Lei Nu 21/2020, de 5 de Junho 2020, hodi fo subsidiu ba timoroan, inklui estudante ne’ebe hala’o estudu iha estranjeiru, ho razaun sira nesesidade finanseiru depende ba rendimentu familiar iha Timor-Leste.

Estudante sira ne’ebe halo estudu iha estranjeru hetan subsidiu kada fulan (subsidiu Mensal) tuir kustu moris pais ne’ebe mak sira pretense ba,  hanesan Estadu Unidus Amerika kada fulan sira hetan $1.000, Australia sira hetan $ 500, Republika Italiana $500 no Republika Portuguesa $500.

“Ita hotu hatene katak estudante sira ne’ebe hala’o estudu iha pais ne’ebe kustu moris karun tebes, ne’e ukun nain nian familia deit”, dehan porta voz Moises bainhira halo komunikadu imprensa iha muzeum oin, loron 17/07.

Nia afirma ho ida ne’e estudante universidade publiku no privadu iha Timor laran,  UNPAZ,  UNDIL,  UNTL,  UNITAL,  IOB, DIT,  ISC no ICS, Forma Aliansa Unversitariu Timor-Leste [AUTL] ho objetivu atu kontra desizaun politika governu nian, ne’ebe trata estudante iha rai liur ho rai laran la balansu.

Desizaun politika ida ne’e injustu no diskrimina estudante ensinu superior iha rai laran,  tanba favorese deit ba estudante sira ne’ebe mak hala’o estudu iha rai liur no la preokupa povu aileba nia oan ne’ebe estuda iha rai laran,  maske enfrente liu krize ekonomika.

“Ami hakarak ezije ba governo Timor-Leste atu halakon desizaun politika injusta ba povu aileba nia oan, ne’ebe hala’o estudu iha universidade no instutisaun privadu, liu husi VIII Governo tenke foti dezisaun politika ida, hodi fo propinas semestre par tinan akademiku 2020 nian ho gratuita”, hateten Moises iha kampus UNTL, 17/07

Print Friendly, PDF & Email

LEAVE A REPLY

Please enter your comment!
Please enter your name here