Home EduTek SEJD Koopera Ho UNTL, Loke Fila Fali Kursu Ensino Edukasaun Fizika no...

SEJD Koopera Ho UNTL, Loke Fila Fali Kursu Ensino Edukasaun Fizika no Desportu

211
0
SEJD ho UNTL asina akordu. [Foto: Maria Lizia | 11.08.2020]

Sekretario Estadu Juventude no Desportu (SEJD) Abrao Saldanha asina akordu ho Universidade Nasional Timor-Lorosa’e (UNTL), hodi halo kooperasaun hodi loke fila-fali kursu ensino edukasaun fizika no desportu, atu prepara tekniku professor sira iha fakuldade Edukasaun Arte Humanidade, prepara profesor edukasaun fiziku e desportivu iha eskola sira, atu nune’e bele hahu halo aliserse desportu nian.

“Loke fila-fali kursu ensino edukasaun fizika, atu prepara tekniku sira, professor sira iha fakuldade edukasaun arte humanidade, atu prepara tekniku profesor sira ba iha eskola sira, atu prepara profesor edukasaun fiziku e desportivu iha eskola sira atu nune’e bele hahu halo aliserse desportu nian, deportu tenki iha liu komunidade sira, iha segimentu hotu-hotu, liuliu hahu husi eskola.” Hateten, Sekretario Estadu Juventude no Desportu (SEJD) Abrao Saldanha iha Salaun Sentral UNTL, loron, 11/08.

Sekretario Estadu Abrao Saldanha dehan UNTL uniku universidade estatal ne’ebe ita iha, koopera ho sira atu bele loke fila-fali departamentu ida ne’e, SEJD apoiu Kuadru tekniku sira ba eskola sira.

“SEJD disponibiliza fasilidade desporta GMT, estadus ba sira nia pratika, SEJD mos sei disponibiliza kuadrus teknikus professor no edukador sira, ami buka oinsa para atu apoiu tan UNTL para prepara estudantes sira”, dehan, Abrao Saldanha, iha UNTL, 11/08.

Abrao akresenta konaba rekursu humanus envolve husi SEJD sei aumenta UNTL atu hanorin. UNTL ho SEJD sei buka tan ema husi fatin seluk atu mai apoiu tan iha Universidade.

 Iha Fatin hanesan Reitor Universidade Nasional Timor-Lorosa’e (UNTL), Francisco Miguel Martins, hateten, iha kolaborasaun junta entre intituisoens rua, estadu hotu publika ba prosesu formasaun joven sira ba futuru kuadrus iha ezersisiu edukasaun fizika no desportu ba ita nia nasaun.

Reitor UNTL hatutan importantes tebes ba area ida ne’e, ita seidauk iha formasaun ida adekuadu, ita seidauk halo formasaun ida planeadu, programadu maibe Sekretariu Estadu anterior halo tiha ona kolaborasaun maibe pauza tiha tanba ita nia atividades SEJD ho UNTL ladun iha koordenasaun di’ak,

“Ita haree fila-fali pas prosesu dezenvolvimentu nasional ba futuru liu husi dezenvolvimentu rekursu humanus ne’e imporatante tebes, husi SEJD iha VIII Governu Konstituisional ho interese aas tebes, iha formasaun area ida ne’e, ohin ita mai iha ne’e atu konkretiza kolaborasaun entre Instituisaun rua UNTL no mos SEJD atu fo formasaun  ida ne’e”, tenik, Francisco Miguel Martins.

Reitor UNTL relata formasaun akademika no formasaun teknika liuhusi UNTL, husu apoiu tulun makaas husi ita nia estadu no governu, liuhusi SEJD VIII Konstituisional ne’ebe iha interese boot iha prosesu dezenvolvimentu nasional, liuhusi prosesu dezenvolvimentu rekursu humanus kualifikadus di’ak ba futuru dezenvolvimentu iha nasaun RDTL.

Francisco Miguel hateten UNTL unika universidade estadu, besik ona tinan 20, formada ofisialmente iha 17 Novembru 2000 ho esperitu ne’ebe timoroan sira, ne’ebe didika sira nia-an iha instituisaun ensino superiori, ha tempu Indonezia nian politeknika Universitas Timor-Timur, Indonezia fila ita re-organiza estabelese Universidade ida ne’e.

LEAVE A REPLY

Please enter your comment!
Please enter your name here