Home Notisia PNTL Sensibiliza Lei Kodigu Estrada Iha UNTL

PNTL Sensibiliza Lei Kodigu Estrada Iha UNTL

574
0
Komandante Transito Munisipiu Dili Inspektur Domingos Sarmento Gama. [Foto: Bernarda Gusmao | 26.08.2020]

Reportazen Bernarda & Adalgisa

Relasiona ho asidente trafiku ne’ebe sempre akontese,  Polisia Nasional Timor-Leste (PNTL) halo sensibilizasaun iha Universidade Nasional Timor Lorosa’e (UNTL) iha fakuldade Siensia Sosiais (FCS) hodi husu ba joven sira tenke kumpri lei kodigu estrada.

Komandante Transito Munisipiu Dili Inspektur Domingos Sarmento Gama hateten dezeminasaun ida ne’e bazeia ba konkordansia entre Universidade sira ho komando PNTL Munisipiu Dili ho programa Polisia ba kampus iha ensino superior.

Komandante Transito dehan programa ida ne’e atu minimiza asidente ou engrafamentu liuliu iha kapital Dili, tamba movimentasaun transporte  ho numeru bo’ot tebes, kompara ho Munisipiu sira seluk, tamba ne’e liu husi dizeminasaun ne’e, jovem sira liuliu estudante intelektual bele hare hodi komprende lei no bele halo tuir.

Materia sira ne’ebe aprezenta ba estudante sira konaba lei kodigu de Estrada mak oinsa ema hotu bele hatene no komprende lei hodi kumpri, bainhira la kumpri lei kodigu estrada maka sira sei hetan inflasaun ba sira, hodi selu multa no bele mos tama kadeia hodi kumpri sira nia inflasaun.

“Tuir lolos lei ida ne’e la presiza disemina tamba lei ne’e iha ona tinan 17 ba kotuk maibe tamba ho konsiensia konkordansia Komandu ho universitariu para nafatin, iha korajem  atu disemina lei ida ne’e”, dehan Inspectur Transito Munisipiu Dili, iha kampus UNTL Kaikoli, 26/08.

Inspektur fiar ho programa ida ne’e, ba futuru estudante no jovem sira bele introdus ba familia sira iha uma ka iha ne’ebe deit, para sira bele hatene, saida mak sira bele halo no saida mak sira la bele halo .

Komandante Transito husu sidadaun sira hotu atu halo viajem ruma tenke iha preparasaun, primeiru dokumentu transporte, dokumentu karta kondusaun no  mos assesores balun kona ba transporte nia presiza kompleta no bainhira halo viajem iha dalan publiku, tenki respeita sinais sira ne’ebe governu estabelese ona iha dalan.

Atividade ida ne’e foin realiza primeiro  iha UNTL no tuir mai sei kontinua  ba iha Universidade sira seluk iha Dili.

Print Friendly, PDF & Email

LEAVE A REPLY

Please enter your comment!
Please enter your name here