Home Notisia Esbosu Lei Kriminalizasaun Defamasaun Viola Espiritu Konstituisaun RDTL

Esbosu Lei Kriminalizasaun Defamasaun Viola Espiritu Konstituisaun RDTL

647
0
Prezidente KI Virgilio Guterres. [Foto: Media KI | 23.07.2020]

“Implikasaun hosi Kriminalizasaun Defamasaun mak hakarak satan krítika públika hasoru maka’er “funções públicas”, relijioza ka polítika sira, nune’e mos instituisaun sira. Buat nebe viola prinsipiu demokratiku “Estado de direito” nian. Agrava pena ba  jornalista sira ho tentativa atu halo-nonok (silenciar) órgaun komunikasaun sosial sira”. Virgilio Guterres

Esbosu Lei Kriminalizasaun Defamasaun hamosu preokupasaun boot ba sosiadade sivil, akademista no komunidade media sira. Liu hosi Webinar ne’ebe organiza hosi OXFAM Timor-Leste, orador Prezidente Konselho Imprensa, Virgilio Guterres hateten prosesu ba Lei Kriminalizasaun Defamasaun ne’ebe

Iha premeiu governu Konstituisional konsege halo proposta ba Lei Kriminalizasaun Defamasaun, maibe to’o ikus la hetan promulgasaun hosi Prezidente Kay Rala Xanana Gusmao, tanba iha rezistensia makaas hosi sosiedade sivil no asosiasuan jornalista no ONG direitus humanus no iha tempu refere Timor-Leste aplika Lei Defamasaun iha kodigu sivil.

Iha aprezentasaun Virgilio hateten laiha udan, laiha anin teki-teki be sa’e, iha inisiativa atu kriminaliza defamasaun ne’e mosu, bainhira publiku distradu hela ho pandemia Covid-19. Iha preambulo iha esbosu Lei Kriminalizasaun Defamasaun introdus krimi defamasaun no injuria, krime ofensa ba prestijiu pessoa kolektiva ka equiparada, krime ofensa ba memoria de pessoa.

Tuir Prezidente konselho Imprensa katak esbosu ne’e viola ona espiritu Konstituisaun RDTL hanesan artigu 1 konaba prinsipiu fundamental sira, “Repúblika Demokrátika Timór-Leste katak Estadu ida-ne’ebé demokrátiku, soberanu, ukun-an no ida-mesak, harii hosi povu nia hakarak no iha respeitu ba dignidade ema moris idaidak nian”.

Lei refere mos vioal artigu Konstituisaun artigu 9 konaba Orden jurídika Timór nian adopta prinsipiu sira direitu internasionál jerál nian, norma sira-ne’ebé mai iha konvensaun, tratadu no akordu internasionál sira-nia laran vigora iha orden Lei rai laran nian, wainhira hetan aprovasaun, ratifikasaun no adezaun hosi órgaun kompetente ida-idak no wainhira publika tiha ona iha jornál ofisiál no Norma sira-ne’e sei la iha folin, sira latuir karik konvensaun no akordu internasionál sirane’ebé lei Timór nian simu tiha ona.

Viola mos artigu 23 konaba direitu fundamentál sira-ne’ebé konsagra iha Lei-Inan la hasai direitu selu-seluk ne’ebé temi iha lei no tenke interpreta sira tuir Deklarasaun Universál Direitus Umanus nian.

Senior Editor iha Neon Metin no Talitakum ne’e mos hateten Esbosu Lei Kriminalizasaun Defamasaun mos viola artigu 40 no 41 Lei Komunikasaun Sosial konaba Liberdade imprensa no espresaun no mos artigu 44 konaba kompetensia sira Konselho Imprensa nian.

Tuir Virgilio hateten implikasaun hosi Kriminalizasaun Defamasaun mak hakarak satan krítika públika hasoru maka’er “funções públicas”, relijioza ka polítika sira, nune’e mos instituisaun sira. Buat nebe viola prinsipiu demokratiku “Estado de direito” nian. Agrava pena ba  jornalista sira ho tentativa atu halo-nonok (silenciar) órgaun komunikasaun sosial sira.  Interfere ba kritériu editorial no independência imprensa tan obriga órgaun komunikasaun sosial atu publika sentensa kondenatória, ho ameasa “pena de desobediência no husik nakloke posibilidade ba ema ida (se de’it) atu halo keixa konba ”defesa de honra”, buat nebe loloos ema ”lesado” de’it mak bele pronunsia.

Diskusaun webinar ne’ebe halao iha JL Vila, loron 23/07 hetan partisipasaun hosi PDHJ, reprezentante ONU iha Timor-Leste, Defensor direitus humanus, organizasaun sosiadade sivil ne’ebe parseiru ho OXFAM, Asosiasaun Jornalista Timor Lorosa’e (AJTL) no Konselho Imprensa.

Print Friendly, PDF & Email

LEAVE A REPLY

Please enter your comment!
Please enter your name here