Home Notisia Webinar Oxfam: Lei Kriminalizasaun Defamasaun La Tuir Artigu 19 hosi UDHR no...

Webinar Oxfam: Lei Kriminalizasaun Defamasaun La Tuir Artigu 19 hosi UDHR no ICCPR

711
0
Webinar realiza hosi OXFAM. [Foto: Media KI | 23.07.2020]

Reportazen Zevonia Vieira

Relasiona ho esbosu Lei Kriminalizasaun Defamasaun ne’ebe prepara hosi Ministeriu Justisa, hamosu preokupasaun boot ba sosiadade sivil, jornalista no akademiku sira. Ho preokupasaun refere, Oxfam Timor-Leste realiza Webinar ka seminariu online hamutuk ho OXFAM Novid no International Center For Non-Profit Law (ICNL), atu fahe esperiensia konaba dezenvolvimentu Lei Kriminaliza Defamasaun iha nasaun Europa no Asia nian.

Liu hosi diskusuan online, orador hosi Senior Legal Adviser ICNL, Zach Lampell esplika katak defamasaun ne’e diak liu regula ho kodigu sivil. Kriminaliza defamasaun ida ne’e la justikavel ba Liberdade espresaun.

Zach hateten efeitu hosi Lei Kriminalizasaun Defamasaun ne’e sei hatudu efeitu seriu ba Liberdade espresaun, hodi julga hanoin ne’ebe diferente, estadu sei proteje liu mak reputasaun polisia, ukun nain no pesoal sira seluk ne’ebe iha ligasaun ho membru governu sira.

“Defamasaun nudar problema privadu entre ema indiviu nian, la presiza envolve estadu, ema ne’ebe defamadu sei la simu kompensasaun katak multa oin-in tama liu ba estadu nia bolsu.

Liga ho Deklarasaun Universal Direitus Humanus (DUHU) artigu 19 no Paktu Internasional konaba Dereitu Civil no Politika ka iha English dehan International Covenant on Civil and Political Rights (ICCPR) artigu 19 hateten katak ema hotu iha iha direitu hatoo opiniaun sem interferensia no ema hotu iha direitu ba liberdade espresaun, ne’ebe inklui liberdade atu buka, simu no fo informasaun no ides liu hosi saida deit, laiha limitasaun hosi koalia, hakerek ka imprimi, liu hosi arte, media ka komunikasaun no alternativu sira seluk.

Zach mos hateten katak iha ICCPR artigu 3 esplika katak iha limitasaun ba liberdade espresaun no ida ne’e hatete iha paragrafu daruak.  Paragrafu ne’e esplika spesifiku konaba lei ne’e nia knaar no responsabilidade ba restrisaun tuir lei no tuir nesesidade, inklui respeitu dereitu no reputasaun ema seluk nian, protesaun ba seguransa nasional no orden public, ba saude no moral. Maibe Zach hatete katak Esbosu Lei Kriminaliza Defamasaun la deskreve klaru kona ligasaun ho lei seluk mak iha ona, la iha presizaun (pasal karet) kona ba saida mak konsidera nudar defama no injuria, la tuir prinsipiu nesesidade no proporsionalidade.  

Relasiona ho implikasaun bainhira Esbosu Lei ne’e aprova, Zach Lampell hateten sei iha implikasaun hosi esbosu refere atu prevene hodi ema atu kria, lidera tur iha kuadru lider sosiadade sivil nian, hetan suspensaun hosi profisaun, bandu atu partisipa iha media ka komunikasaun ruma. Organizasaun sosiadade sivil barak mak sei taka tanba multa ne’ebe todan no sei mosu auto-sensura hosi ema ka jornalista sira bainhira halo publikasaun kritiku sira, no ida ne’e hamate ema nia liberdade expresaun.

Zach rekonnese katak Timor-Leste nia situasaun diak liu duke nasaun sira seluk tanba kodigu sivil Timor-Leste nin forte liu no Lei Kriminaliza Defamasaun la Tuir Prinsipiu Internasional ba Direitus Humanus

Ho nune tuir Zach Timor-Leste prefere reintera ho kodigu sivil ka fo prioridade ba impelementasaun kodigu sivil.

“Lei Kriminalizasaun Defamasaun la kumpri direitu internasional lubuk ida, bele hamosu efeitu negative ba NGO sira nia ezistensia”, hateten Zach iha webminar meeting, loron 23/07.

Webinar ne’e partisipa hosi Provedoria Direitus Umanus, Asosiasaun Jornalista, Unidade Direitus Umanus ONU nian, Concelho Imprensa, Rede Defenfor Diretu Umanus, FONGTIL, JSMP organizasaun parseriu Oxfam nian mak servisu iha komunidade.

Print Friendly, PDF & Email

LEAVE A REPLY

Please enter your comment!
Please enter your name here