Home Notisia EEB 1, 2 Maubara La Asesu Bee Moos, Manorin no Estudante Sira...

EEB 1, 2 Maubara La Asesu Bee Moos, Manorin no Estudante Sira Preokupa

309
0
Vise Koordenador EEB 1, 2 Maubara, Fernando dos Santos. [Foto: Francisco JDA | 23.07.2020]

Reportazen Santina Lucia da Costa

Estudante no manorin sira iha Eskola Ensino Baziku 1,2 Maubara la asesu ba bee moos no eskola ne’e rasik hola bee tanki ida ho presu $5.00 no sira hasoru problema banhira eskola refere laiha osan  hodi hola bee, tanba fo impaktu tebes ba estudante no manorin sira, bainhira uza haris fatin.

Neon Metin dadalia ho Vise Koordenador Eskola Ensino Baziku (EEB) 1, 2 Maubara, Fernando dos Santos konaba situasaun ne’ebe sira enfrenta. Ba Neon Metin Fernando hateten bee moos sai nudar preokupasaun iha Maubara, liu-liu iha eskola EEB.

Fernando dos Santos hateten Care Internasional mai haree ona eskola ne’e no fo hatene katak, manorin ho inan-aman sira tur hamutuk atu fura bee, maibe orsamentu ne’e liuhusi inan-aman, maibe ami seidauk halo enkontru ho inan-aman.

Vise-Koordenador Eskola Ensinu Baziku 1,2, Maubara konfesa katak konaba hariis fatin, semana hira ona koordenador moras, entaun bee la hola, kondisaun hariis fatin di’ak maibe bee mak laiha.

Eskola ne’e rasik halo ona esforsu hodi hatama relatoriu bai ha Ministeriu Edukasaun, Juventude no Desportu maibe to’o ohin loron la hetan resposta

estudante sira iha eskola ensino baziku 1, 2 Maubara. [Foto: Francisco JDA | 23.07.2020]

Vise-Koordenador reprezenta eskola refere,hodi husu ba governu hodi bele tau matan mai Eskola Ensinu Baziku 1,2, Maubara, tanba bee moos laiha no responde netik relatori ne’ebe mak hatama ona ba Ministeriu Edukasaun, atu nune’e prosesu aprendisazen ne’e bele lao ho di’ak.

Tuir observasaun Neon Metin Eskola Ensinu Baziku 1,2, Maubara, area eskola oin moos no lixu laiha, maibe bainhira sira hamoos tiha lixu, sira la tau didi’ak iha fatin lixeiru, maibe sira soe lixu naklekar iha fatin ne’ebe sira sunu lixu ba. Ho nune lixu sira ne’e fo nafatin impaktu ba area eskola no bainhira sunu ka udan tau, nia iis maka’as fo impaktu maka’as ba estudantes no manorin sira nia saude.

Print Friendly, PDF & Email

LEAVE A REPLY

Please enter your comment!
Please enter your name here