Home Notisia Oe-Cusse Fatin Risku Hetan COVID-19, Bano: Labele Halo Movimentu Iha Fronteira

Oe-Cusse Fatin Risku Hetan COVID-19, Bano: Labele Halo Movimentu Iha Fronteira

216
0
Prezidente RAEOA-ZEESM Arsenio Bano. [Foto: Franscisco JDA | 15.09.2020]

Indonesia ba loron ohin hatudu katak kazu kumulativu total 221,523, kazu positivu foun 3,141, dadus kumulativu ema ne’ebe mate total 8,841 no dadus ema mate iha oras 24 nia laran hamutuk nain 118.

Moras Surtu COVID-19 sai preokupasaun boot iha mundu global, tanba virus ne’ebe afeta lalais hosi ema ida ba ema seluk no mos ba ema nia atividade rasik.

Rejiaun Administrativa Espesiál Oecusse Ambeno (RAEOA) nudar rai enklave ne’ebe fronteira ho Nusa Tenggara Timur (NTT) ne’ebe sai zona kazu positivu ba virus Corona ne’ebe numeru sempre sae kada loron, ho nune’e Prezidente Republika dekreta Estadu Emerjensia hodi kontrala sirkulasaun internasional.

Ba kestaun RAEOA ne’ebe sai fatin ameasadu ba COVID-19, ba jornalista sira Prezidente RAEOA no Zona Ekonomika Espesiál no Sosiál Merkadu (ZEESM), Arsenio Bano hateten iha Oe-usse iha problema rua ne’ebe atu hetan apoiu hosi governu central, tanba dadaun ne’e ema nain 30 resin mak iha hela kuarentea, maibe kazu positivu sedauk iha no movimentu ilegais iha fronteira kontinua akontese

“Autoridade deside halo prosesu aprovisionamentu ba harii kuarentena no aumenta fasilidade saude sira iha fronteira, iha pontu entrada sira iha Sakato, Oesilo, Pasabe no Citrana. Autoridade mos halo rekrutamentu ba pessoal saude sira, para bele kontrola iha fatin izoladu sira hanesan Bieli, Citrana no iha Banafi nian, fatin sira ne’e ami deskonfia iha movimentu populasaun Oe-Cusse ho populasaun Indonesia”, hateten Presidente Autoridade RAEOA-ZEESM iha Parlamentu Nasional, 15/09

Prezidente RAEOA husu populasaun hotu atu labele halo moviemntu iha fronteira ba no mai, tanba dadaun ne’e kazu COVID-19 iha Jakarta-Indonesia, makaas no sira dehan hospital la iha kapasidade ona.  

“Signifika se mak hetan moras iha liur sira ne’e, lao ba mai deit entaun transmisaun lokal ne’e makaas liu, iha perigu bele to’o iha Timor-Leste no Oe-Cusse tanba ne’e mak hatete ba populasaun Oe-Cusse labele naran tama sai fronteira”, hateten Bano

Bano dehan se ema Indonesia hakarak ba Oe-Cusse tenki liu hosi Kapital Dili, halao uluk kuarantina iha Dili mak bele ba Oe-Cusse, nune’e Oe-Cusse rasik lakohi simu sidadaun seluk tanba la iha kondisaun kuando ema ruma hetan problema positivu, tanba ne’e mak kontinua koordena ho Ministeriu Negosio Estrangeiro no Kooperasaun (MNEG)  hodi hare asumtu refere.

Dadus ikus COVID-19 ne’ebe relata hosi Organizasaun Saude Mundil (OMS) iha Indonesia ba loron ohin hatudu katak kazu kumulativu total 221,523, kazu positivu foun 3,141, dadus kumulativu ema ne’ebe mate total 8,841 no dadus ema mate iha oras 24 nia laran hamutuk nain 118.

LEAVE A REPLY

Please enter your comment!
Please enter your name here