Home Notisia PPN Husu Bankada, Lider no partidus Ativu Iha Prosesu Buka Solusaun Ba...

PPN Husu Bankada, Lider no partidus Ativu Iha Prosesu Buka Solusaun Ba Dezafius Sira

603
0
Prezidente Parlamentu Nasional, Aniceto Guterres. [Foto: Copyright Media MAPCOMS | 15.09.2020]

Reportazen Francisco JDA

“Ita hotu nia papel no kontribuisaun mak lori Timor-Leste ba supera dezafiu sira no kondisiona dalan ba atinji objetivu estadu ne’ebe proklama iha artigu 6 konstituisaun republika, ita bele mantein dame no estabilidade, bele harii governu ida ho baze apoio parlamentar ne’ebe exelente, hodi sustenta governasaun ida ne’ebe estavel hodi lori povu ba moris diak”. PPN

Parlamentu Nasional hala’o plenaria ba sesaun solene de abertura de III sesaun legislatura, ne’ebe marka prezensa mos hosi Presidente Republika, Dr.Francisco Guterres Lu-Olo.

Prezidente Parlamentu Nasional (PPN), Aniceto Guteres iha nia diskursu hatete povu mak nain ba demokrasia, povu mak soberania no poder politiku nia hun, no liu hosi demokrasia mak konstrui poder politiku no hametin soberania hahu iha tinan 2017, Timor-Leste hasoru dezafius boot lubuk ida kona ba governasaun no estadu nian.

“Dezafiu hirak ne’e akontese iha prosesu implementasaun demokrasia iha Timor-Leste liu hosi instrument demokrasia rasik, dinamika demokrasia iha Timor-Leste, povu nia vontade politika mak kualidade  komunikasaun entre lider partidu politiku mak forma konjuntura politiku iha Parlamentu Nasional no iha governu, faktu hatudu katak hosi 2007 too 2018 la iha eleisaun parlamentar ida ne’ebe rezulta partidu politiku ida mesak atinji maioria absoluta, Parlamentu Nasional nuudar central ba atividade politika desizaun boot lubuk ida iha estadu, konjuga vontade no hanoin konaba dezenvolvimentu nasional no enkudramentu Timor-Leste iha konvivensia regional no internasional”, hateten Presidente Parlamntu Nasional, Anicetu Guterres Iha Uma Fukun PN, 15/09.

Prezidente Anicetu Guterres husu  ema hotu, individu ou orgaun kolezial, reprezentante povu nian atu hatudu prekupasaun no dezafiu sira ne’ebe hasoru, atu hatudu kontribuisaun ba fo solusaun, tanba ne’e tenki forma no konserta beibeik ba komportamentu funsional no politika disiplina, empenho servisu makaas no dedikasaun.

Presidente Parlamentu husu mos bankada no lider sira, partidu nia kuadru no militante sira atu hotu-hotu informadu hola parte ativu iha prosesu buka soluasaun ba dezafius Timor-Leste hasoru dadauk.

“Ita hotu nia papel no kontribuisaun mak lori Timor-Leste ba supera dezafiu sira no kondisiona dalan ba atinji objetivu estadu ne’ebe proklama iha artigu 6 konstituisaun republika, ita bele mantein dame no estabilidade, bele harii governu ida ho baze apoio parlamentar ne’ebe exelente, hodi sustenta governasaun ida ne’ebe estavel hodi lori povu ba moris diak”,  hateten Presidente Parlamentu.

Iha biban nee bankada PUDD, UDT/FM, PD, KHUNTO, PLP, CNRT no FRETILIN hatoo mos deklarasaun politika, maibe bainhira CNRT hatoo deklarasaun hotu no walk out ka sai hosi fatin plenaria.

LEAVE A REPLY

Please enter your comment!
Please enter your name here