Home Notisia Tama Sai Ilegal Iha Fronteira, TMR: Halo Koordenasaun Ho Indonesia, Hodi Impede...

Tama Sai Ilegal Iha Fronteira, TMR: Halo Koordenasaun Ho Indonesia, Hodi Impede Sidadaun Ilegal

418
0
Primeiru Ministru Taur Matan Ruak. [Foto: Santina Lucia da Costa | 24.09.2020]

Reportazen Santina Lucia da Costa

Relasiona ho sidadaun sira ne’ebe mak tama sai ilegal iha fronteira no lakohi tuir regras periodu Estadu Emerjensia nian, mak governu sei halo kooperarasaun ho governu Indonesia, sei buka medidas ida hodi prevene sidadaun sira ne’ebe mak tama sai ilegal iha fronteira.

Hafoin Primeiru Ministru Taur Matan Ruak hasoru malu ho Prezidente Republika, Dr. Francisco Guterres Lu Olo ba jornalista sira hateten koalia kona-ba fronteira nian, iha tempu ikus ne’e, koalia maka’as los kona-ba pasajen ilegal sira, liliu ita nia oan sira ne’ebe ba mai ilegal, entaun ne’e preokupasaun boot ida estadu nian, liuliu governu informa ba Prezidente Republika, pasu saida mak bele halo bao in hodi kontrola makaas.

Primeiru Ministru haktuir atu prevene tama sai ilegal iha fronteira maka tenke reforsa tan postu seguransa sira iha fronteira no presija koordenasaun ho país Vizinho Indonezia para reforsa liu tan hodi impede sidadaun ilegal sira.

Xefe Governu ne’e informa no sensibiliza sidadaun sira, para sira tenki hatene katak ita iha regra no tenki tuir, ne’e laos di’ak ba governu de’it, liuliu ba sidadaun sira hotu, satan moras Covid-19 lao, sira balun mai, ba tiha depois mai ilegal, subar iha uma, depois moras ne’e daet nia familia uma laran, to’o ikus fo sala fali ba estadu, mais kontrariu sira rasik maka falta responsabilidade, entaun sensibilidade ne’e tenki iha.

Taur Matan Ruak dehan ajente seguransa sira, naturalmente husu ba sira para reforsa liu tan seguransa, labele permite ita nia sidadaun sira ba mai ilegalmente.

“Kona-ba subsidiu seguransa iha fronteira, sira nia subsidiu iha rasik, ami seidauk iha diskusaun ida kona-ba subsidiu espesial. Subsidiu espesial ne’ebe ita iha mak COVID-19 nian, ne’e sira ne’ebe expoen demaziadumente iha COVID-19 ne’e iha, mais resubsidiu ne’e hanesan baibain, sira tenki kumpri sira nia dever, la presija estadu fo subsidiu ba sira mak foin tau matan ba seguransa ne’e”, deklara Primeiru Ministru iha palacio prezidensia, 24/09.

Print Friendly, PDF & Email

LEAVE A REPLY

Please enter your comment!
Please enter your name here