Home Notisia PR: Ema Tama Sai Ilegal Sei Selu Multa $30-$250 no Seluk Rasik...

PR: Ema Tama Sai Ilegal Sei Selu Multa $30-$250 no Seluk Rasik Fatin Kuarentena

1181
0
Prezidente Republika, Dr. Francisco Guterres Lu Olo. [Foto: Santina Lucia da Costa | 05.10.2020]

Reportazen Santina Lucia da Costa

Situasaun sidadaun sira ne’ebe tamas ai illegal liu hosi fronteira iha Suai, Batugede no RAEOA, durante iha propagasaun COVID-19, hamosu preokupasaun hosi Prezidente Republika tanbabele fo risku ba komunidade sira iha rai laran.

Liuhusi diskursu ofisial, Prezidente Republika, Dr. Francisco Guterres Lu-Olo hateten medida kuarentena foti atu proteje ita-nia ema. Kuarentena halo iha fatin ne’ebé governu organiza ka iha fatin ne’ebé sidadaun mak hili rasik, maibé Ministériu Saúde tenke aprova uluk, molok sidadaun tama-mai.

“Ha’u simu informasaun katak ema balun la kumpre kuarentena no ida ne’e sai preokupasaun boot ida, la’ós de’it ba órgaun soberania sira maibé, ba ita hotu. Bainhira ema ida la kumpre kuarentena, nia bele lori moras ne’e tama-mai Timor-Leste. Karik hada’et ona iha komunidade, susar tebes ba Ministériu Saúde kontrola no ita tama ba situasaun ema barak bele moras no mate”, hateten Prezidente Republikai ha palasiu prezidensial, Aitarak-Laran, iha loron 04/10.

Prezidente Republika dehan ita hotu lakohi moras no mate ho moras COVID-19. Moras ne’e la hili ema, riku ka kiak, joven ka labarik ka katuas ka ferik, ukun-nain ka sidadaun baibain.

“Karik ita la hatama ema iha fatin-kuarentena ho kontrolu husi Ministeriu Saúde, moras ne’e sei hada’et ba komunidade no ita bele mate mohu. Iha país balun ospital nakonu ho ema moras COVID-19. Barak mak mate tanba la hetan asisténsia médika”, reforsa Lu-Olo.

Prezidente Republika mos hetan informasaun katak ema balun hasesa-n hosi kontrole polisia no sai tama mai Timor-Leste liu hosi dalan illegal.  Prezidente dehan balun polísia kaer, balun lae. Ema sira ne’e mak sai risku boot liu ba ita, tanba mai moris ho ita loron-loron no bele lori mai Covid-19, biar la hatudu sinal no sintoma ba moras ne’e.

Lu-Olo informa sidadaun ne’ebe tama-mai ilegal hamutuk ema 146 mak Polisia Nasional Timor-Leste (PNTL) kaer ho ajuda komunidade nian. PNTL hala’o dadaun prosesu investigasaun ba entrada ilegal sira ne’e.

Lu-Olo akresenta governu iha reuniaun extraordinária Konsellu Ministrus nian sábadu kotuk, hasai ona medidas fortes ba estadu emerjénsia ida ne’e. Ema sira ne’ebé sai-tama Timor-Leste no la kumpre regras, sei selu multa entre $30-$250 no sira mak tenke selu rasik sira-nia kuarentena.

Print Friendly, PDF & Email

LEAVE A REPLY

Please enter your comment!
Please enter your name here