Home EduTek ECC Komemora Masakre Santa Cruz no Proklamasaun Independensia Iha Aisirimou

ECC Komemora Masakre Santa Cruz no Proklamasaun Independensia Iha Aisirimou

204
0
Grupu English Conversation Course (ECC). [Foto: ECC | 01.12.2020]

Reportazen Adroaldo “Saretukau”

Grupu English Conversation Course (ECC) komemora loron Nasional Juventude, Masakre Santa Cruz no loron Proklamasaun Independensia Timor-Leste, hodi realiza semináriu hamutuk ho juventude suku Aisirimou ho tema “Partisipasaun Juventude iha Prosesu Dezenvolvimentu Nasional”.

Prezidente Komisaun organizadora, Ervina H.da C.Guterres hateten obetivu prinsipal hosi aktividade ne’ebé grupu ECC hala’o mak atu komemora loron juventude, masakre Santa Cruz no loron Proklamasaun Indepenénsia.

Ervina hateten liu hosi seminariu ne’e bele hasae konnesementu jovem sira nian no fanun nafatin espiritu jovem sira nian, atu serbisu hamutuk ba dezenvolvimentu rai ne’e nian.

Atvidade seluk ne’ebe realiza mak hare filme dokumentariu, halo reflesaun no sunu lilin hodi hanoin hikas heroi sira ne’ebe mate ba rai doben ida ne’e.

Iha parte sorin Xéfe Suku Aisirimou, Ilidio Mau-Felo apresia ho grupu ECC ne’ebé organiza ona aktividade hamutuk ho komunidade sira iha suku Aisirimou.

“Programa  ne’ebé mak grupu English Conversation Course hala’o iha suku Aisirimou, ida relevantes tebes, liu-liu atu transmite fo informasaun primeiru konabá 12 Novembru nian ne’ebé liu tiha ona, maibé sira mai halo reflesaun fila fali ho juventude sira iha suku laran, feto no mane no komunidade sira. Sira kompleta tan ho komemora loron Proklamasaun Indepenénsia Timor-Leste nian ba dala-45”, dehan Ilidio via telefone, 29/11.

Nia kontente tanba Grupu ECC bele fahe buat saída mak durante ne’e sira hetan ba estudante sira iha suku laran tanba durante ne’e estudante sira ladun asesu ba informasaun.

Líder lokal ne’e haksolok tanba aktividade ne’e loke joven sira nia hanoin ba buat ne’ebé pozitivu, “iha suku Aisirimou sira fahe sira nia esperiénsia atu influénsia fali joven sira li-liu konabá língua nomos seluk tan”.

Ilidio mos hato’o mensajen ba joven sira katak joventude forte tenki estuda maka’as hodi kontribui ba dezenvolvimentu.

“Iha fatin balun dehan joventude ne’e mak autor ba dezenvolvimentu, joventude tenki haka’as aan iha rekursu siénsia nian, ida ne’e mak importante, pois mak prenxe ba dezenvolvimentu,” nia enkoraja joven sira.

Apoiu ne’ebé grupu ECC hetan hodi realiza aktividade ida ne’e mak hosi Banco Nacional de Comércio Timor-Leste (BNCTL) nomos grupu Onshot ho orsamentu ne’ebé natoon hodi apoiu uma-kain vulneravel sira, inklui organiza semináriu iha suku Aisirimou, Postu Aileu Vila Munisípiu Aileu.

Kursu ECC eziste besik tinan 10, kursu ida ne’e fasilita hanorin lian Ingles hosi ema estranjeiru sira ne’ebé mai serbisu iha Timor ho voluntáriu ba estudante sira gratuita. Alende kursu Inglesh ECC mos halo atividade serbisu komunitariu, limpeza, debate no seluktan.

LEAVE A REPLY

Please enter your comment!
Please enter your name here