Home Notisia MAP Sei Tau Prioridade Ba Irigasaun 8

MAP Sei Tau Prioridade Ba Irigasaun 8

328
0
Irigasaun iha Timor-Leste. [Foto: Copyright Media MAP | 02.12.2020]

Reportazen Francisco JDA

Parlamentu Nasional (PN) halo diskusaun iha faze jeneralidade ba Orsamentu Jeral Estadu  (OJE) 2021, iha faze jeneralidade halo diskusaun ne’ebe foka liu ba povu nia moris no halo investimentu makaas liutan iha seitor produtivus hanesan agrikultura.

Deputadu FRETILIN, Dario Madeira iha intervensaun sujere ba VIII Governu 2021, sekarik OJE aprova tenke tau masimu duni atu investe iha agrikultura, tanba povu maioria moris nudar agrikultura no durante tinan barak nia laran, povu la sente produsaun ne’ebe sira rasik kuda ka produs

 “Povu falta irigasaun no tractor ne’ebe la iha manutensaun entaun la konsege fasilita agrikultor para bele hasae sira nia produtividade, tanba ne’e mak maluk deputadu ne’ebe lametasaun, sasán cesta bázika ne’e la dun halo peskiza, la dun hola dadus diak tanba barak liu mai hosi rai liur, tanba ukun tinan barak ita la investe iha agrikultura”, hatete deputadu Fretilin Dario Madeira iha Parlamentu Nasional, 02/12.

Deputadu Dario hateten povu hahu kontente ho programa Sesta Bázika nia ne’e povu hahú, tanba governu konsege ba sosa duni sira nia produtu lokal, iha Viqueqeu maioria komunidade prodús hare no batar iha fulan ida ne’e nia laran deit, governu akompanha sosa sira nia produtu ho folin ne’ebe as tebes.

Hafoin debate, jornalista sira halo konfirmasaun ho Vise Ministru Agrikultura Peskas (MAP), Abilio Araujo hateten katak, dezenho foun ne’ebe Ministériu Agrikultura Peskas (MAP) atu hasae produtu rai laran no dezenvolve seitor sira ne’ebe nesesita ba povu, liuliu irigasaun floresta, hortikultura tanba nesesidade ne’e mak povu hein hela.

“Ita iha polítika kontuinidade ida oinsá investime orsamentu 2021 ne’e hare mos kona ba situasaun ne’ebe governu hasoru hela, liuliu hand tractor sira ne’ebe la funsiona, ita hare hela oinsá mak responde ba nesesidade ida ne’e, programa prioridade liu mak irigasaun tanba koalia ba irigasaun ne’e fasilita bee ba povu, hodi bele dezenvolve ita nia to’os nain nia servisu ne’ebe atu hasae produtu, bee ne’e tenki mai hosi floresta, iha ai horis ne’ebe diak fo mahon ba rai, rai ne’ebe mahon ne’e fo bee diak ba povu, depois fasilita dezenvolvimentu ba agrikultura diak liu” hateten Vise Ministro Abilio Araujo

Vise Ministru informa katak iha irigasaun walu ne’ebe aprezenta ona ba Parlamentu Nasional, atu prioritiza nune’e bele fasilita povu agrikultura ba dezenvolvimentu no hasae produsaun agrikula, liga ho kondisaun merkadu presiza iha tratamentu balansu, saida mak ita koalia kona ba rekuperasaun maibé ita kria kondisaun oportunidade entre feto no mane, iha tratamentu ne’ebe mak hanesan.

LEAVE A REPLY

Please enter your comment!
Please enter your name here