Reportazen Henrique S. De Jesus
The Blue Action ka Asaun Azul realiza workshop ba grupu jovem sira ho metodu open space ka spasu nakloke, ne’ebe foka ba feminista resilensia ne’ebe hasoru Pandemia COVID-19.
Koordendor grupu The Blue Action Group no mos hanesan fasilitador ba Open Space, Marilia Olveir da Costa hateten treinamnetu ne’e nu’udar matadalan ida, hodi hare liu ba metodu hotu husi espasu nakloke, hodi kontribui ba enkorajamentu foinsa’e sira nian, liu-liu buka solusaun ba iha problema ne’ebe sira enfrenta durante surtu covid-19 nia laran.
“Objetivu husi treinamentu ida ne’e maka atu hare liu kona ba metodoligia Open Space ka Espasu Nakloke, atu hatene klean liu kona ba issu ne’ebe mak efeita liu ba durante Pandemia COVID-19. Tamba ne’e maka ami organiza treinamentu ida ne’e, hodi enkoraza ita nia foinsa’e sira ne’ebe mak enfrenta hela covid-19 hodi sira bele expresa sira nia probelema ka situasaun sira ne’ebe sira hasoru hodi ita halo diskusaun para hetan solusaun ruma ba prevensaun problema ne’ebe mak sira infrenta durante covid-19”, dehan Marilia iha salaun Yayasan HAK, 07/12.
Kordenadora ne’e hatutan the Blue Action Group mos sei halo rekomendasaun ida ba parte governu ho asaun ruma, hodi fasilita sosiedade, liu-liu ba foinsa’e sira asesu ba informsaun fasil no bele dezenvolve sira nia abilidade rasik.
“Ba oin ami husi the blue action grup hakarak iha asaun ruma husi resultadu ne’e entaun husi resultadu ne’e mak ami atu rekomenda fila fali asaun ne’ebe maka sira diskuti no exemplu hanesan sira diskuti ona topiku balun ezemplu Hanesan, edukasaun, oinsa atu halo edukasaun ne’ebe diak mak ita nia governu sira prepara ita nia estudante sira asesu ba edukasaun ho diak liu husi meius ne’ebe mak fasil. Nune’e mos atu benefisia sira husi koñesementu hodi dezenvolve rasik sira nia skill”, tenik Marilia.
Iha sorin seluk Jornalis Neon Metin mos dada lia ho partisipante Prita Flora da cruz Monteiro estudante husi Institute of Busness (IOB) sente kontenti tamba husi oportunidade ida ne’e, nia bele fahe no aprende hamutuk ho kolega sira seluk, liu-liu materia Open Space tanba COVD-19 mos fo impaktu ba rendimentu ekonomia familia nian.
“Ha’u sente kontenti tebes, tamba hau bele hatene kona ba rezilensia feto iha coVID-19 i ha’u mos bele koñese ema barak iha ne’e no ami bele fahe experensia ba malu, husi buat ida ne’ebe ha’u la hatene ohin loron ha’u bele hatene, ami mos aprende buat barak husi treinamentu Open Space konabá COVID-19 Impaktu ba Sosial, Ekonomia, Edukasaun no Diskriminasaun iha diskusaun ida ohin ne’e ha’u foti pontu importante ida mak hanesan, rendimentu menus liu-liu ba iha sociedade tomak tamba sira nia sasan sira fan la laku jadi ne’e afeita tebes ba sira nia uma laran”, dehan Prita da Cruz
Prita mos husu The Blue Action Group aumenta tan atividade seluk hodi kapasita foinsa’e sira, bele kobre ba munisipiu sira hodi fasilita komunidade sira ne’ebe mak susar asesu ba informasaun sira
“Hau sujere mos ba the blue action group aumenta tan atiividade sira para kapasita tan ami nia malu sira seluk ho ami no se diak liu tan maka kobre ba iha kada munisipiu ida-ida atu nune’e ita bele fahe informasaun ba maluk sira iha ne’eba, tamba dalaruma mos susar asesu ba informasaun sira kona ba covid-19, kona ba Edukasaun no Saude”, dehan Pitra Treinamentu ne’e hetan partisipasaun husi grupu, Casa de rose, Movimentu Feto Foinsa’e Timor, Neon Metin husi estudante Universitariu Publiku no Privada sira iha Dili laran, Working Woman Center Arquiris.
