Home EduTek MDAO Ensera Projetu Hosi EUA Ba Juventude Sira Foka Ba Inovasaun &...

MDAO Ensera Projetu Hosi EUA Ba Juventude Sira Foka Ba Inovasaun & Diversidade

478
0
Ekipa Mission Driven Alumni Outreach (MDAO). [Foto: Adroaldo | 12.12.2020]

Reportazen Adroaldo ‘Saretukau’

Mission Driven Alumni Outreach (MDAO) konklui ona projetu hosi embaixada Estadu Unidus Amerik (EUA) ba juventude sira ne’ebe manan fundus, hodi realiza sira nia programa.

Iha seremonia esenramentu ne’e Enkaregadu Negósiu Estadus Unidus Amerika (EUA) iha Timor-Leste, Elias Parra hatoo sentiment orgullu ba MDAO, ne’ebe konklui projetu juventude hosi grupu haat ne’ebé ekselente hosi projetu Embaixada Amerika nian.

“Ami organiza programa iha fulan Agostu ne’ebé foka ba treinamentu ka worshop lideransa nian, iha proposta, hakerek ideia no pitching ideia sira”, hateten Enkaregadu Negósiu Estadus Unidus Amerika (EUA) ih City-8 Manleuna, 11/12.

Nia hatutan depois de kompetisaun grupu sira hetan fundus $4000 dollars, ne’ebe realiza sira nia ideia projetu hanesan iha agrikuktura, lideransa, media literacy no ambiente, hamutuk sira tulun ona komunidade no juventude hamutuk 250 iha Díli laran.

Enkaregadu Elias subliña katak inovasaun no diversidase ne’ebé joven sira iha maske ho tema oi-oin, projetu hotu iha hanoin ida katak sira tulun ona vizaun ba Timor nia di’ak.

“Ami fiar katak Timor-Leste nia susesu depende ba asaun líder joven Timoroan, ita halo di’ak wainhira ita servisu hamutuk,” hateten Enkaregadu Elias ba jovens sira iha sermonia enseramentu projetu Embaixada Amerika nian.

Manan nain datoluk, Grigoria de Almeida ne’ebe hetan fundus Embaixada Amerika, hateten sira nia projetu foka liu ba iha media literacy, hodi tulun juventude sira oinsa benefísiu hosi media.

“Ami fokus ba importansia hosi teknolijia ba iha dezenvolvimentu estudante sekundária sira no oportunidade ba eskola sira iha munisípiu Baucau, Liquiça, Ermera no Manatuto”, hateten Grigorio iha sermonia enseramentu projetu Embaixada Amerika ne’ebé sira hetan iha City 8, sesta, 11/12.

Nia hatutan liu hosi ne’e sira hakarak juventude sira bele hatene di’ak liu, oinsá atu uza internet no telemovel ho di’ak no benefisia ona estudante 150.

Alein de ne’e sira mos oferese ba estudante sira oinsá atu asesu no uza E-mail, Zoom no programa esensial sira hanesan Young Southeast Asia Leadership Initiative (YSEALI), oportunidade bolsa de estudu, bolsa United State Timor-Leste (USTL), Micro Scholarship hanesan Education and Youth Center, Uma Amerika, Education US, Knua Juventude Fila Liman no grupu juventude sira iha Díli ne’ebé sira bele aplika ba.

“Hodi grupu nian naran hato’o obrigadu ba Embaixada Amerika no English Language Center (ELC) ba komitmentu no suporta dezenvolvimentu joven nian hodi halo liu tan aktividade pozitivu iha komunidade,” dehan Grigorio.

Konvidadus iha serimónia ne’e mak Presidente Konsellu Imprensa, Virgílio Guterres no Reitor João Saldanha University, João Saldanha hamutuk ho staff Embaixada Amerika, Knua Juventude Fila Liman, mentor grupu no joventude sira ne’ebé manan fundus hosi Embaixada Amerika ida ne’e.

Print Friendly, PDF & Email

LEAVE A REPLY

Please enter your comment!
Please enter your name here