Reportazen David da Costa Gusmao
Ministeriu Tursizmu Comersiu Industria (MTCI) ho Ajensia Nasaun Unidas ba Dezenvolvimentu Internasional (USAID), liu husi programa “Dili moos no matak” fahe sertifikadu ba Restoranrte no kafetaria sira ne’ebe prense ona padraun seguransa ai-han ijiene.
Diretor Nasional Empreendimentu Atividade no Produtu Turistika (DNEAPT), Julio Ribeiro hateten hahu husi Fevereiru 2020 ekipa husi MTCI, SEFOPE, Ministeriu SAude inklui USAID halo inspesaun ba restorante no kafetaria ne’ebe prense kriteria seguransa ai-han no ijiene.
“Ita fo sertifikadu ba kolega sira nia industria, ne’ebe bele prense rekezitu ne’ebe iha ona, maibe sertifikadu fo deit ba empreza industria 9”, esplika Julio Ribeiro iha Centro komvensaun Dili, Sexta-Feira 18/12.
Lansamento entrega programa “Dili Moos no Matak” ho objetivo atu hasa’e padraun seguransa ai-han no seguransa ijiene.
Iha fatin hanesan Reprezentante USAID iha Timor-Leste, Farida A. hateten ajensia ne’e estabelese progarama ” Dili Moos no Matak” atu atinje padraun inspesaun no forma ekipa hodi implementa sistema halo inspesaun ba fatin fa’an ai-han iha muncipiu Dili no fo treinamentu ai-han seguru no ijiene.
Nia informa USAID fronese ekipamentu ba kozina iha centro treinamentu vokasional juventude tolu no ajuda estabelese ekipa nudar centru ne’ebe diak tebes ba ai-han.
Nia subliña setor turismu hanesan industria importante ba Timor-Leste ho pontensialidade oin-oin, ne’ebe bele fornese oportunidade serbisu, espesialmente ba juventude no proteje nasaun inklui etapa ida hodi ajuda nasaun tuir dalan auto-reziliensia.
Vice Ministreiru Saude, Bonifacio dos Reis hato’o agradesemento ba lina minesterial no apoio husi USAID, hodi hametin, reforsa politika no programa governu ho objetivo atu hadia komunidade Timor-Leste nia saude no moris diak.
“Hau espera katak programa ne’e la konsentra deit iha Dili, sujere bele mos habelar ba iha muncipiu sira no inklui mos iha reijaun admistrativo espesial oekuse anbeno (RAEOA), hodi bele garantia konsumu ai-han iha restorante no kafetaria iha Timor laran tomak”, nia sujere
Nia hatutan bele ajuda emprezariu asosiasaun ka organizasaun ne’ebe loke restorante no kafetaria iha muncipiu, hodi bele hetan rendimemtu atu sustenta familia bele seguru ba konsumu ai-han ne’ebe fornese
Empreza sira ne’ebe hetan sertifikadu mak hanesan, Restorante agora food studio, Burger king Timor Plaza, Black box, Fatima coffee, Gloria jeans Timor Plaza, Restorante Otel Timor, Restorante K2C, Restorante no kafetaria Moby’s no Rolls & Bowls.
