Reportajen Filomena da Conceicao
Autoridade Munisipiu Dili, Diretór Servico Municipal Gestão Mercado no Turismo Artur Henrique hateten tinan oin governu liuhusi Autoridade Munisipiu Dili sei hasai vendedor sira ne’ebe hela iha ilegalmente iha merkadu Taibesi hodi kria fali kondisaun ba negosiate abulante sira
” Ami hato’o ona dadus ba leten para tinan oin governu bele haree took, ema sira ne’ebe hela ilegal ne’e, Ita hasai para kria fali kondisaun diak ida, para ita bele tau hamutuk fali vendedor ambulante sira neebe faan iha liur ne’e”, hateten Artur ba Neonmetin iha knaar fatin, munisipiu Dili, Kuarta 3/12
Nia esplika, tuir lolos regra husi gestaun merkadu hateten ona katak merkadu ne’e fatin ba negosiu, signifika fatin ba vendedor sira atu buka moris laos fatin para hodi toba, nune’e faan hotu tenke fila, hodi bele fo fatin ba ema atu asesu iha merkadu ho seguru no moos.
“Merkadu manleu ami organiza too ema nunka hela permanente iha neeba too agora ami fo regra nak ne’e, Tuku:7 kalan vendedor hotu tenke fila ba uma no tuku: 6 dader vendedor sira bele tama fali hodi kontinua faan maibe Taibesi lae, tanba agora dadaun ema hela ne’eba permanente no halo merkadu sai hela fatin ba sira”, Nia hateten
Nia esplika, tuir dadus husi lideransa governu anterior too mai ohin loron negosiate neebe hela permanente iha merkadu Taibesi ho total hamutuk, 370 resin maka hela permanente iha merkadu Taibesi, no husi numeru sira nee negosiate balun hela ilegalmente
“Problema husi ha’u nia diresaun gestaun merkadu mak ne’e, kuaze problema boot no konsentrsaun ba vendedores ambulante movimentu makas iha merkadu taibesi no iha merkadu manleu mos hanesan, kuaze merkadu laran dt la kobre ona”, Nia hatoo
Nia konklui katak, Relasiona ho problema refere parte gestaun merkadu hato’o ona ba responsavel masimu sira hodi bele hharee, tanba merkadu Taibesi mak ema hela nafatin nee problema boot ho nune’e, uniku solusaun Mak governu tenke hasai vendedor sira ne’ebe hela ilegalmente iha merkadu Taibesi, hodi nune’e, kria fali kontrusaun edifisiu ida diak hodi fo asesu ba ema hotu.
